倉鼠bb出左世..隻mama好似唔多理佢..點算? 急[20分]

而家只可以做到既係唔理佢,唔好攪佢地,唔係令鼠媽媽緊張既話,連其他都有危險.咁已經係對鼠鼠最大既幫助,都要留意,一定要將鼠爸分開放

雖然最好放鼠鼠在較暗既地方,但而家已經生左bb,已經唔好再搬個籠,唔係就好易打攫到鼠媽媽了

食唔理鼠bb or 鼠bb被食有幾個原因:
1)鼠媽媽未生完,有時生一胎會隔幾小時先再生,生完晒先會理鼠b
2)鼠b有第d動物既氣味,例如第隻鼠在場,有人既氣味,鼠媽覺得鼠b唔係自己生or覺得有第d動物攻擊鼠b,都會唔理
鼠爸爸對bb根本冇咩感情,所以如果生之前冇將鼠爸分開籠,爸爸就有機會會食bb,而鼠媽媽感到威脅,都會唔理鼠bb
3)鼠媽媽覺得bb養唔大-鼠bb身體弱 or 自己冇足夠既奶分俾佢地
4)鼠媽媽情緒太緊張-有第隻鼠在場,有外來環境令佢緊張,有人打擾佢,甚至只係因為生育而情緒緊張
5)如果鼠媽媽覺得bb有危險-媽媽會食左bb/收埋bb入腮,令鼠bb缺氧,都會食bb
6)鼠bb死左

鼠鼠生左bb之後要留意以下幾點:
1)將鼠爸及其他鼠分開
2)唔好接近個籠,唔好掂鼠媽媽同bb,盡量等到鼠bb戒奶後先洗籠(大約18-21日戒奶)
3)用奶粉沖d奶代替水俾鼠媽媽飲,記得唔好俾鮮奶,唔係會令鼠鼠肚唔舒服既
4)放定好大量既食物入去,之後換食物換奶都要小心唔好俾鼠媽媽發現,到鼠bb識行之後,食物就要整碎d,唔係bb食唔到/食左落去吞唔到就大件事.
5)唔可以將鼠bb同媽媽分開,唔係bb就冇野食,生存唔到.我細個既時候,有人教我用手餵bb飲奶,但咁係唔可行既.
6)另外,如果用既籠係通風,bb可能會趺出唻,可以用d膠file整開包住個籠,但記得要整多d小孔,唔係就冇空氣

另外,繁殖鼠鼠真係有好多問題,希望你可以考慮一下唔好繁殖佢地,同埋可以一籠一鼠,原因如下:
1)倉鼠天生根本就係獨居動物,根本唔適合群居,就算兄弟姊妹,同性別or唔同性別,都一樣可以打到死晒.睇書知道,外國既鼠鼠繁殖場都係一籠放一隻鼠,到發情期先放埋一齊一陣既
2)鼠鼠既繁殖速度好快,而且繁殖鼠鼠有好多問題(例如鼠媽媽有機會會食bb,bb未戒奶就打交但又唔分開得),就算樣樣都解決到,都會令鼠鼠既生活質素下降,鼠媽媽生育後壽命又會縮短(甚至難產),好多隻鼠又會有第d問題,所以真係唔好俾鼠鼠生bb呢
3)可能你會話鼠店既鼠咁多隻一齊都冇事,但鼠店既鼠仲好細,所以唔會打得好犀利,而且你睇到鼠店既鼠既時間都未到深夜,唔係鼠鼠最活躍既時候,所以未必俾你見到有咩問題.但我曾經見過,鼠店一堆鼠入面,有隻鼠已經得返d白骨...所以鼠店講既野,,唔好盡信,鼠店有鼠死左都唔會俾客人知呢
4) 就算兩隻鼠初初唔打交,其實之後都好易再打,特別係鼠鼠夜晚活動既多,半夜打起上唻,你又唔知既時候,仲危險.我細個既時候都試過覺得2隻鼠好似好fd咁放埋一齊,同一胎,我出去一陣返唻就打死晒啦
5)可能會諗鼠鼠會怕悶,但其實鼠鼠天生獨來獨往,只要有足夠既空間同運動(一個轉輪都ok啦),鼠鼠就唔會悶

2007-10-04 23:35:51 補充：
就算去睇獸醫,都幫唔到你救隻鼠b,唔理佢地,俾鼠媽媽靜下先啦

因為佢有壓力~唔識餵奶><死左就算，唔好再俾佢生>

是否鼠鼠的環境沒有陰暗處之類？

我以前養的倉鼠，有個角落頭俾佢，比較暗，跟住隻媽媽會將D木糠等係咁累積，當時我還有塊布俾佢，佢就係一個角落頭自己餵奶。我又見過隻鼠仔自己走開左，跟住隻阿媽夾佢番那個窩到。

但有一點要知道，若你用你隻手掂過隻倉鼠仔太多，個阿媽聞到你的氣味就會不理那隻倉鼠仔，所以D鼠仔出細後最好連掂都唔好掂那隻些鼠仔。