矮人著衫好煩!!有冇人可以比d造型建議我

我150~155cm...(實際數字唔太清楚)
但已經係好矮啦....加上肥肥地關係,搞到好似著乜衫都唔好睇咁
同埋我覺得自己上身同下身唔太合比例囉...
因為人地個個見到我上身ge相..都話唔似係矮人
so,想大家幫幫手比d 造型建議我啦..
我d資料:我個面係圓圓地好似個波果種(不過唔係水腫果隻包包面)..皮膚係白..眼大
身材缺點係條腰冇乜線條,hip位較闊,手臂有少許肥肉
身材優點就係對腳雖然短,但就ok有線條..唔粗囉, 唔係平胸(都唔知算唔算優點)

我今年過埋生日就17歲啦...但係人地話我個樣唔似17歲...似14歲(可能因為高度)
咁咩類型ge髮型,衫 會比較岩我呢?(最好有圖啦)

之前呢,都有人講過話矮人著短裙/短褲會好d
但係要幾短牙? 同埋我日日返學都咁著...人地睇唔悶..我自己都悶na...

d人話矮人著短/窄tee會好睇d
但係呢,根據我上面個形容其實都知我主要係上身肥啦...咁點算好(我肚腩問題唔嚴重)