關於幼貓的問題，請提供意見

正常丫～我d貓佢地都經歷過做bb ge時候

1) 係唔係一般ge幼貓都頑劣如此??
絕對係, 如果bb貓唔頑皮ge話就一定要睇獸.

2) a.係唔係等佢大d就會定性?? b.大概會晌咩時候??
a.係, 如果唔係就非常該煨架喇. b.通會晌ge1歲時候就會定性架喇.

3) 係唔係等佢做左絕育手術, 就會冇咁頑皮??
唔可以咁講, 做左絕育手術之後just唔發情, 例如周圍屙.

4)你e+ ge 唯一解決方法係咪用貓籠鎖佢??
可以咁講, 然後你可以晌空閒時間就放佢出黎玩,
不過時間要估定(每日or 每幾多個鍾), 同埋要睇實佢.

如果你仲有d咩想問ge話, 就係msn笴度問我啦,
不過唔好add我, 因為我個msn就黎爆曬架喇 ~ ! !

我家少爺都係從貓B養大 ,
佢仲係流浪 B 嚟添呀 !
細嗰時絕對係一隻頑童嚟 ,
屋企所有外露嘅电綫全部都有牙印,
專偷芝士麵包 , 仲打開厨櫃開袋貓糧食 ,
日日喺屋企跑 9 秒 9 , 跨欄跳高 10項全能 ,
最激氣仲係佢拖咗我條千幾蚊嘅 Pash....披肩番佢個竇到 ,
第2日發現時已經無力再挽(披肩).

如果你想用籠 ,
最好只係用嚟比佢做竇(夜晚睡覺)或罰佢用,
頑皮時困住佢一陣 ,冷靜後才放佢 ,
我無用籠 , 佢過份頑皮時困佢入廚房 ,
試過幾次佢就知道啦 !
哩過係佢成長必經 ge wor ,
大約歲半咗右先會定啲 ,
我就覺得同有無絕育無乜関連 wor ,
少爺 2歲多才做公公 , 同未做之前無乜分別 ,
依然活潑 , 當然無細時咁癲啦 , 大過仔 ma !

你如果决定養佢 ,
就一定要捱過哩段時間 ,
好多 cat cat 都係哩個階段比人遺棄 ,
唔好低估咗啲小朋友嘅要求,高估咗自已嘅能力 .

好似樓上位話 , 間唔中同佢玩得 high high 哋 ,
消耗下佢啲体力係必需嘅, 記住玩完要比水佢飲 .

努力加油啦 !

流浪貓B嘅貓奴

養貓前有沒有做資料搜集
養貓是要裝窗網的
我有圖比你睇
但你要比個 email 我 e 比你至得
我唔識得放上黎

六個月大的貓貓做絕育對身體會好些
但並不表示會立即乖下來
貓貓會在一歲至歲半後才慢慢定下來

你的貓貓不是頑劣
這是正常的貓貓會和同伴玩一些捕獵遊戲
跑、捕捉、爬樹、咬、好奇八卦、觀察、探險...........等
你得佢一個，佢一定搵你玩
試下買些貓貓捧、布公仔(不可以有任何膠粒或衫扭，以免貓貓吞下)
或買Laser ~ 紅外線筆同佢玩(只可射牆或射地下，絕不可射眼)
可以買個細個的貓抓架或貓抓板比貓玩
有時用冇用的紙渣個紙球同貓玩一齊玩
貓貓也很開心

如果大部份時間也困住貓貓
我怕會弄巧反拙

試想想 ~

平常沒有困慣籠的貓貓
突然間被困著一定會不習慣及呱呱叫
你貓貓的性格平常也如此活潑好動
當你困了貓貓一段時間
再放貓貓出來的時侯
貓貓會更加發足狂奔
有機會會更加失控
你想再捉返佢入籠就更加難 ~ 到時唔慌唔頑劣

那你會怎樣處理
到時又再困貓貓回籠中
那貓貓困籠的時間會否越來越長
你會否怕了貓貓的頑劣程度
而索性不再放貓貓出來玩

有否試過和貓貓每日玩一次~金金地的~
玩到貓貓攰為止
讓貓貓發洩過多的精力
貓貓才不會太百厭

不是每隻貓都會這麼頑皮的，只是你的貓貓有點過份活躍! 你可以先把貓貓困在籠子裡，等你在家時才放牠出來玩，到你睡覺時把牠放回籠內休息，給牠習慣一下你的生活。貓貓也要教導的，也不可以讓牠亂來的!
一般貓貓約8個月就開始定性，也有個別的! 你也可以選擇為牠進行閹割手術，大多數的醫生建議8個月起才好絕育，等牠睪丸完全成熟! 越細時候進行絕育，有機會讓貓b停留bb時代，令牠的情緒平穩一點。但最終會唔會係咁，你最好向獸醫查詢。
如你見到牠有所企圖爬窗，你可以買一個噴壺，靜悄悄待在牠附近，用噴壺射水在該位置，牠會縮的，如牠再有行動，你再噴牠，有機會減低牠爬的位置，因為牠會怕爬時會有野射向牠的.
或者你多陪陪牠玩，抱多一點，讓牠熟識你的味道多一點，可能會較好的.
我家貓b在這年齡時都很愛玩，都是幾隻的時候才會玩得搗蛋一點，但如果自己一個時就不會太頑皮! 可能牠覺得寂寞才會這樣做，才能吸引到你的注意!
希望你的貓b會有新的改善!