想有多點男人味氣~~

✔ 最佳答案

瘦瘦地,斯斯文文,講話陰聲細氣,唔敢望人,我估你有乜事都唔敢主動提出,重有內向怕事,避免同人有爭執等等,係咁多齊未?
其實講到底係你對自己無信心,可能因為你講野唔太流利,自小怕同人辯論,往往本來道理你是對的亦被別人強辯的言論壓低!
1,瘦瘦地同斯斯文文跟本唔係問題,不過可以抽時間做做運動游泳跑步等身體硬朗d更加好!
2,講野唔流利會影響你信心同有d自卑,最好多d唱歌,多唱歌會令發音準確講話靈活些,仲有平時講野一定不要心急,最緊要清楚d,大聲d,慢少少無問題,講野要人明白至得,係唔係?
3,多參加業餘活動或學習課程,在這些埸合多接觸身份平等的陌生人,可以有勇氣與新朋友談笑,漸漸習慣對人不太拘謹!
4,多看一些關於改善人際關係的書籍,當你能夠靈活運用不同的語言技巧應付不同的埸合時,你就會充滿信心,敢接觸任何人的目光了!
以上幾點當然不可能短時間可以成功,只要你對自己回復信心,你就有勇氣面對別人,有勇氣提出自己的意見,成熟的男人味就出現了!

回答 (2)