做第三者既成功例子

做第三者這回事沒有對與錯，男未娶女未嫁，絕對有喜歡另一個人的自由，
但做第三者應只是一個過渡期，而不是結局，
為你的利益著想，
若你男朋友真的愛護你，
他就應盡早解決與現任女友的關係，
他既然不愛她，還拖著她幹什麼?
從他的角度看，他繼續與她一起是對恩人負責任，
但從另一角度看，他欺騙她更不負責任，更為有愧於她，
他現在這般「負責任」，是不是想找個逃避現實的藉口，害怕背負變心這個罪名?
他應為自己的意願而付出，而不是一拖再拖，
有捨棄才有收穫，
盡快解決大家的關係，比藉著聽成功例子從而安慰自己來得更合適。

環球偵探社

環球偵探社是唯一首間在港提供專業狐狸精服務之偵探社，我們提供專業及多角度分析案情，有助客人了解伴侶的忠誠度。

本社引入日本最先進的高清拍攝器材，單是儀器費用已耗資數十萬港元。

探員大多是前紀律部隊人員，另有數名曾任職雜誌社狗仔隊之精英，此外還有專業狐狸精服務小組，負責多方面協助客人尋找事實的真相。

本公司對所有客戶的資料均以安全而保密的方式處理。

http://global-investigations.net

電話:27455252 鄭生

做第三者, 好少有成功, 我也曾做過第三者, 維持左一年半, 原來佢識我無耐, 又識過第二個, 是同一間公司, 但公司每天都會安排坐位, 多數不同位置, 佢瞞住我同佢行, 終於由第三個人口中才知道, 我亦同佢講過數, 又點?最終都要離坐, 佢那麼花心, 佢地識左四五個月就結婚, 那段時間很傷心, 日日以眼淚洗面, 但我覺得就算得到這個男人做埋佢老婆, 佢係出面也會沙沙滾, 亦要同人分 ?我終於放手, 佢都係有恩於我, 結果也分手收場,都唔係話無成功例子:記得林珊珊第二個細佬囉, 又係好似你咁, 只得感情和責任, 又話照顧佢一生一世, 終於同第二個結左婚, 不過被人千夫所指, 狐狸精, 男的無良心,可能報應會落在小朋友身上, 你自己諗諗

哈....我都同你好似,,,我之前有個男朋友佢都有個女朋友同佢拍左7年,,不過佢地唔係好淡個種,係大家感情都好穩定....不過缺乏左少少新鮮感.其實男人玩一夜情同出面有女人唔同,一夜情可能只係身體上既滿足,,,但係如果佢出面有女人就應該係有一d野佢係第個女人身上搵到但你又比唔到佢既,其實作為女人.男朋友出面有第三者我覺得都幾失敗下....雖然做第三者係幾激既....不過將心比己....你又係唔係接受到呢?諗清楚啦~姐妹

你如果想成功,根本唔需要例子.你男朋友真是要同你一齊,就會主動放棄另一邊,但佢好似想享齊人之福多D,你認真諗諗了.

成功其實即係話你從別人手中爭嬴咗! 可以真正完全得到對方! 我都曾經有朋友做過第三者,最後仲結婚生仔,現在見都佢都好幸福! 感情其實無話對或錯,我個人認為你男朋友應該盡快作出選擇及決定,唔可能兩邊都拖著唔放手,對任何一方都唔公平,你男朋友同而家既女朋友巳拍拖7年, 如果只剩下感情和責任就更加應該盡早決定講清楚,唔好再比藉口自己,唔好再費大家時間! 一個女人有幾多個7年?? 你自己又有幾多個7年?? 其實你男朋友如果繼續咁樣行落去,佢就係一個好自私嘅人,你真係可以永遠忍受做第三者? 你愛佢都想完全擁有佢,想同佢有將來,你都唔想同任何人分! 自己想清楚啦,做第三者唔係錯,但條路真係好難行!

人地拍左拖7年 因為責任有恩於佢?有冇講過你知咩事先
而你又覺得係咪真係有呢個責任同真係有恩於佢先?
個人覺得 除左佢迫人落仔 要個女人幫佢還錢 丟個女人出去做雞 等等呢d啦
否則拍拖冇咩必要講責唔責任 因為根本未結婚 依然係兩個獨立個體
你自己知你一直同人分享緊個男朋友 你自己覺得自己因為係第三者
想介意都冇呢個資格出聲 但你自己又試諗下 繼續落去 一世拍拖??
我記得阿媽都有個男朋友係有老婆 果個叔叔同我講佢唔離婚
因為好多野 包括兒女 包括時間耐 亦包括責任 但冇感情可言
但佢地一樣會同普通夫婦一樣 行街食飯睇戲去旅行搞野.....
我真係唔知佢既冇感情可言算係乜....呢d只係男人外遇/一拖幾既耤口
你自己再諗多一樣野 他日比你成功入圍成為正式女朋友之後
佢出面又有第二個係度 你係咪會繼續唔出聲扮冇野?定係會分手?
如果你真係覺得自己呢世都唔介意同第二個女人分享自己個男人既
你可以繼續做你既第三者 我亦都深信你唔會點去改變自己/佢
我都做過第三者 2奶都做過 做第三者果陣 我知佢有女朋友
我都好似你咁 好想坐正"女朋友"呢個位 但當我真係坐正果陣
先發覺 第三者 一直都唔止我一個 之後我都放棄左呢個共家男朋友
飛左佢之後佢一直都有搵我 我連電話no都轉埋 唔使煩
而2奶 我果陣真係唔知 直到佢老婆同我講呢個男人有女朋友(其實係老婆)
我先開始懷疑佢 之後原來同我誚果個女人就係佢老婆黎......梗係閃啦我
最後個男人話要離婚同我一齊 我當然唔理啦 我唔想破壞人地家庭
他日再有人破壞佢地既家庭亦都唔關我事先....
其實要撬人男人 有本錢唔難得去邊 問題係 會唔會問心有愧
我自己就真係過唔到自己良心呢一關 寧願搵過個 好過同人爭
你肯唔肯放手係你既事 不過希望你有日會明白 今日你既唔放手
會造成他日人地一樣對你呢位男朋友唔放手 久而久之
你同佢拍拖會好累.....我唔係想踩你台 不過認真諗下啦

我果陣放手都好唔開心咖 不過有時真係要有自知之名
就算自己訓晒身去令呢個男人愛上自己 就算真係令到呢個男人放棄其他女人
你一樣保証唔到佢唔受其他女人誘惑 呢個世界係花花世界呀

我而家已經結左婚 有個好好既老公 我成日都同老公講 好彩當初放棄以前既男人
我今日先可以擁有一個永遠只屬於自己既男人 我唔需要同人分享 個老公除左返工
長期都係我隔離 勁幸福>3<
希望你都有幸福既呢一日 我都算係個過來人 我明白你而家有左感情
根本外人講乜野說話叫你放棄都冇用 不過希望你有日
想放棄 想搵個私有化男人果陣 記得我今日講過既呢d說話

地人成功唔等待你都係一樣........
做人第三者根本上係破壞對方幸福........自己就變左做&quot;狐狸精&quot;............
你諗下,你依家做左佢地ga第三者,個男仔一定會係你面前做到好唔關心佢另一個女友,亦會同你講&quot;同佢冇哂feel...........依家只係愛你一個........&quot;個d咁ga花言巧詞.....同埋你真係咁肯定佢依家個心真係得你一個?同埋你地只係三角戀.....冇其他人加入?.....就算到時俾你同佢真係一齊左.......你地都有可能出現第三者,maybe更多.......到時你會點?你只會做左佢依家女友ga角色......最終都係無奈咁同佢分開,同埋多左一道傷痕............
你自己諗清楚啦..............

2007-10-04 12:02:41 補充：
佢依家可以咁樣對佢女友.......將來亦可以咁樣對反你..........

做第三者已經唔啱 , 仲問有無成功例子 ? 你撞親個腦呀, 反去早啲瞓啦 !

唔係成功過就代表你可以咁做
不過
就算你唔可以咁做都好
咁樣比你地兩個搵到對方
搵到真愛既話
我都會恭喜你