香港樂壇是否已死？！

我認為香港樂壇未死,至少還有 andy lau

1.) 其實我覺得又吾可以話死架!!
因為仲有D有實力既歌手..
例如:李克勤,何韻詩.......

我覺得係接近死亡嘅邊緣,
原因好簡單,D歌越來越唔好聽,
歌手越來越冇實力,亦都唔起眼!
早幾年,我都好鍾意聽廣東歌!
宜家就轉左聽國語歌,廣東歌宜家根本都唔會聽,
有時聽到都會覺得難聽!
放眼呢幾年,有邊幾個新人話可以係整個華人地區紅到!?
係冇囉!就算有,根本都係小小芝麻一粒!
好似台灣咁,宜家D歌手藝人勁吃香囉!
因為有D歌手D歌真係好好聽,真係有實力!
好似近排棒棒堂同飛輪海咁,我唔敢話佢哋有實力,
但係起碼都紅到,有咁多人支持!
香港D新人如果去到第二D地方做宣傳就未必有呢D成效啦!
只係覺得以前四大天王嘅時代係香港已經不再囉!!!

樂壇已死呢個講法由八十年代講到二00七，講足二十年，真係老生常談。不過，每段時期講香港樂壇已死嘅著眼點都唔同，如以現在2007年為標準，樂壇是否已死呢？我會答：
1. 如從唱片銷量嘅角度嚟講，係死左。
2. 如從歌星以至歌曲質素嘅角度嚟講，未死。

下面係分析：
1. 講到唱片銷量，八十年代一個三線歌手出碟，只要碟內有一首歌HIT到，就好容易攞到金唱片(25,000張)。如果MUNG車邊上到二線嘅，而碟內又有一隻歌大HIT特HIT嘅，咁白金唱片(50,000張)已係最底消費。所以嗰個年代嘅紅歌星，根本唔係鬥攞唔攞到白金唱片，而係鬥攞幾多張白金唱片。以陳慧嫻為例，佢去讀書前尾二張唱片銷量4白金，最尾嗰張7白金。

而家香港嘅一線歌星，TWINS、容祖兒、李克勤等最好賣嘅都係幾萬張，一張白金唱片已叫做好成績，比起八十年代，你話香港樂壇係咪死左？

2. 但如從歌星質素以至歌曲質素嚟睇又未死。歌星質素八十年代時好好，SAM、ALAN，張國榮、陳百強、林子祥、張學友、除小鳳、梅艷芳、陳慧嫻、葉倩文、林憶蓮、劉美君，全部都係實力派。但當時樂壇有一個問題，就係大部份HIT歌都係改編歌，樂壇點都唔可以話係健康。

去到九十年代，歌手質素下降左好多，而當時樂壇又陷入改編歌同原創歌嘅爭議期，改編歌嘅質素下趺，原創歌又未夠水準，加上好多唱嘅歌手唱功唔掂(雖然出左個王菲)，當時嘅樂壇係最差嘅！

但到最近幾年，正如古巨基所言，現在樂壇又重新重視番歌手嘅唱功。陳奕迅、古巨基、李克勤、側田、容祖兒、衞蘭等，都係以唱功出名，雖然可能仍未及得八十年代歌手嘅水準，但已經相當唔錯。加上原創歌曲質素越來越好，有好多本地創作水準已貼得住八十年代啲改編歌。而且由於有WYMAN同林夕，令好多人越來越留意歌詞，越來越識得從歌詞去欣賞一首歌，比起八十年代只係重視隻歌嘅MELODY進步左好多。

還有，八十年代一隻歌要HIT，就一定要啱樂迷口味。但去到九十年代，由於商台玩野，搞到好似要另類嘅先算係好歌咁。但呢種歌曲始終唔啱香港人。而家由於唱K盛行，所謂K歌其實就係回歸番八十年代時期嗰啲比較大眾化嘅歌。K歌雖然好似係貶意詞，但流行曲始終係大眾文化，應由樂迷去判斷點為之好歌，點為之啱聽，唔應該由一間電台話事。而家K歌盛行，潮流從新掌握番喺樂迷手中，係好事。

所以從呢幾個角度嚟睇，香港樂壇是未死，而且充滿生氣。

香港樂壇可說是日漸衰落,
因為一首被公認的經典金曲,
主要是要有作曲、填詞、主唱三方面配合的,
試問現在有那些作品是街知巷聞?
大家可以隨口說得出及可以即時記得歌詞?
而我只能記得七十、八十及九十年代初的作品,
因為有名作曲家及填詞人的作品出現,
例如顧嘉輝、黃霑、鄧偉雄、林振強、鄭國江及盧國沾等,
而歌星方面,
現在的歌星只著重包裝,
不及早一輩的歌星是實力派的,
加上現在的歌星除了唱歌外,
還要兼顧其他工作,
例如: 拍電視劇、電影、廣告及剪綵等,
試問怎可以專心學習歌唱技巧?

至於你問到原先一些香港樂壇的支持者去哂邊？
其他人我不清楚,
而我現在雖然都有聽收音機播出的歌曲及有觀看電視的歌唱節目,
但對他/她們是誰?
及他/她們所唱的歌是甚麼?
我過後已忘記了,
並不是因為自己老了及記性差了,
而是沒有一首歌曲及歌星的作品能吸引我的注意,
但有一點注意到的,
就是男歌星大多是有穿耳孔、帶耳環,
因為我對他們的打扮不甚認同.
**以上純為個人意見, 如有得罪某歌星的fans, 請見諒!!!

1.SIMPLE:100% YESSSSSSSSSSSSS!!!@!@!
2.TAIWANESE,JAPANESE,KOREA,USA,UK..........or OLD CANTON SONGS

1.其實已經算接近死亡............
而家所以嘅香港歌迷大部份都只係捧人唔捧歌...........
加上而家香港啲新人唱埋啲歌都不知所謂...........
又唔係好聽..............
上一代嘅歌手就好聽得多..........
但係只係得番個李克勤............
就連劉德華都唔算係好.............
之前有啲音樂評家就佢唔識唱歌(我都覺)..............
其實我以前都聽中文歌...........
但係而家已經唔聽...........
而家轉聽韓文............

2. 英文就聽Avri多l.........
韓文就東方神起.........神話........Se7en等等..........
日文就YUI........W-inds..........V6等等.............

1) 未死得住, 但係停滯不前囉, 所以都冇咩心機聽Cantopop, 唉....
2) 原先一些香港樂壇的支持者去哂邊？我諗大部份轉晒聽外語歌, 日韓英美,大把好歌, 任君選擇...

我唔認同 因為有何韻詩

我以前都鍾意本地,起碼有關心過,但呢幾年都差過以前,啲新人少部份好,大部分不知所謂~
我以前外地既歌都會聽,但而家聽多左~