我的貓是否住得不開心?

每當你出門口時呆呆望住你出門,是牠喜歡你,唔想你出去,留下來倍佢,我個隻還會想跟隨我出門口/用好可憐的眼神看望住我的.
亂跑亂跳是佢玩,我個隻成日都系那麼樣的,所以你放東西時就要小心點,而佢地發脾氣系會唔理你,用個背向住你的,有些好似我同我朋友隻貓還會入去個貓沙盤到,大大力張D沙飛晒出來,等我地掃餐死.
咬你的手腳是想同你玩,因為貓咪和同類玩時都系那樣的,至於咬得大力左系因為佢玩得肉緊左D,唔好怪佢啦!
佢又成日向我叫得好大聲好似罵我咁(尤其早上時間),可能是叫你起身OR叫你同佢玩,好多貓都有這情況的,我隻貓每早(一至日)7時前就來叫我起身,不過你好D,只系叫,我個隻系由小腿慢行到心口(4點幾KG),再用個頭伸到我塊面到,如果再唔起身就跳上窗台到再向我個肚跳落去...

其實我覺佢系好喜歡你的,因為如果系貓咪,真系唔喜歡一個人/地方,佢地會唔比你接觸到佢,成日都會好似沒精神,成日藏起自己來等...佢現在食得玩得可能因為平時得佢一個見到你回來就好開心,有時得意忘形跳上來咬你大力了,都系想和你玩,現在佢還唔系好大,你有沒有想幫佢找個貓朋友仔倍吓佢,如果有就快些了,如果唔系再大D,佢未必接受到新朋友的.

我個隻都系貓仔來的.

Don't worry, I think he likes you, but you need to TEACH him.
1. 看我出門 - he miss you! (my cat's the same)
2. 亂跑亂跳 - you need to tell him what is wrong / you don't like. Say "no no" and lightly bet his mouth and paws.
3. 叫得好大聲 - just different behaviour of different cats. May be he want you to give him food.
4. 咬主人 - he want to get your attention and play with you. Say "no no" and lightly bet his mouth.
** try to hold him and talk to him -- eg. I love you / Be a good boy etc. I think cats can understand what you say (your feeling, not your language)
I have a very strong feeling that my cat understand what I say.

你的貓貓結紮了沒有

養貓前有沒有做~資料搜集
養貓是要裝窗網的
我有圖比你睇
但你要比 email 我 e 比你至得
我唔識得放上黎

我唔鼓勵用水壺噴貓貓來制止
我們認為貓貓不對的行為
貓貓是不會明白因自己的錯才被噴水的

養貓等於家中多個小朋友一樣
你要用心慢慢教貓貓的
多些同貓貓對話及Say Hi
有沒有試過抱著貓貓同貓貓傾嘰
留意貓貓的眼神及表情
要記得定期同貓貓剪指甲
一個月兩次

如果貓貓咬得你太大力
一定要用警告的形式令貓貓知道這是不對的
首先要捉實貓貓頸皮
然後面對面大聲話貓貓 ~ NO、唔準、邊個成日咬人、點解你咁曳、你知唔知咬人好痛嫁...等等字句~
指住佢的咀仔來鬧
用手指有力彈貓貓的下爬 (只能彈下爬 & 不可彈鼻子)
事後貓貓會驚左你喱埋一邊
你唔好理佢唔好啋佢
如果貓貓轉頭喵你
你要話 ~ 你曳，唔要咁曳o既細路仔
唔好心軟要比貓貓知道自己唔啱

貓貓做錯事要鬧要教的
唔可以下下因為貓貓細個
由得貓貓做錯都唔抖正佢
如果唔即時處理問題
久而久之貓貓只會以為自己無錯
你事後才再去追究貓貓
貓貓會惡反你轉頭
貓貓大左之後你會覺得更加難教
到時家人可能會有所怨言
也可能會影響你同家人之間的感情
好多人因為咁而導致棄養貓貓

當你返工後你家中是否只得貓貓一個
平時你點同貓貓玩
試下買些貓貓捧、布公仔(不可以有任何膠粒或衫扭，以免貓貓吞下)
或買Laser ~ 紅外線筆同佢玩(只可射牆或射地下，絕不可射眼)
可以買個細個的貓抓架或貓抓板比貓玩
有時用冇用的紙渣個紙球同貓玩一齊玩
貓貓也很開心

其實貓o既個性可以話係「高深莫測」，亦係比較自我……

佢跳上黎哎你通常都係出於貪玩同好動。如果你驚，你可以帶佢睇獸醫。有時可能有所為「瘋狗症」。

如果你新養佢可能會難養o的，因為佢年紀已經較大。不如你多o的陪你玩，得閒同佢傾下計都可以架^^

2007-10-04 19:46:08 補充：
發情期通常都唔分早午晚都有~So…只係早上都冇咩可能（我果隻就係o甘）

事情我想應該要看兩面,貓貓亂叫亂跳,是牠發洩情緒的一種方式,可以是一種貓貓自我的減壓行為,咬你,如果是輕輕用牙仔碰碰的,我會看成是想引你和牠一起玩耍的請貼,如果你有留意貓貓的行為,牠們也就是這樣邀請同類玩耍的,貓貓由踏進我們的家開始,其實我地已成為牠的同類了,在牠們眼裡,我們是一隻大貓,牠的不開心是不願意每次你出門也剩下牠獨自在家,並不是不喜歡這個家,始終人貓有別,可以的話,幫牠找一個伴吧,這樣做可解決牠這方面的行為,要記住的是,找伴兒要在貓貓還小是找,若在年紀稍大後找,牠會有很大的機會排斥新伴侶的,

我家的貓(男)~
小時候都愛跑跑跳跳, 活躍得有點可笑~
跑跑下仲會唔知做咩好驚咁, 就會亂撞, 試過撞親個頭~
之後佢想睡的時候就馬上平靜了~
發神經咬我手腳都試得多~
佢唔係唔開心, 只係貪玩, 仲咬得好開心好興奮~
佢唔知你痛ga~
如果你唔鍾意佢咬你, 你可以當佢咬你時, 你就捉實佢, 要佢面向你,
跟住用嚴厲的眼神望住佢, 不停話俾佢知佢唔可以咁咬你, 話足佢成分鐘,
一次唔聽, 第二次都係咁做, 漸漸佢會知ga喇~
(呢個方法係一位朋友教的~不過唔係大大聲鬧佢, 因為有d貓愈鬧愈頑皮, 我隻貓就肯聽)
但係佢長大了之後就沒有那麼貪玩~
而呆呆的座在地板上看你出門就可能只係好似小朋友望住爸爸媽媽出門口咁~
另外我隻貓每朝早都會"鬧"我, 死命要嘈醒所有人~ 俾野食佢就唔鬧ga喇~因為佢肚仔餓~

其實朝早叫係見到主人開心同肉緊才有此反應,你可以輕拍牠patpat,抓下佢下巴,同佢講吓野,佢就好開心的,(我每朝都係咁,錫夠佢就自動行開)

貓好鍾意蹲在門口望街,無問題的,放心

幼貓有神經質,會亂跑亂跳,我隻十幾嵗的老貓到依家都有,佢一發作我就追佢,好好玩架,不過當佢跑番入自己地頭(籠),妳就要停,等佢知道有個安全可靠的地方

叫得好大聲:
應該是肚餓,尤其是早上時間
或貓女發情期

呆呆的座在地板上:
貓的確有時想出外走走,沒辦法,貓很難帶出街,在發情期時好可能一去不返
亦可能只是牠太懶去動,看看什麼年紀

咬手腳
有時只是當玩耍,不過通常越玩越大力,小心
亦有可能是男貓發情期都會發生

發脾氣亂跑亂跳
是牠太悶,你應該多些時間和牠玩
買牠多些玩具或養多隻貓陪佢

2007-10-04 02:39:39 補充：
我的男貓年幼時會較有野性(天性)有時會當咬你是遊戲或捕食的本能而又不知道你會痛可以教一教牠下次佢再大力咬你,用噴花的水壺裝水噴佢佢會即刻停口,多做幾次佢就會學識咬你會比你罰

我諗你平時有時間同佢玩下,囉啲物件同佢玩或玩具,仲有買啲貓小食比佢食,但未必岩佢口味,要試到岩,你對貓好,貓唔會唔知~~~