AE-L/AF-L呢個制點用架？

簡單來講呢~ 就係Lock死個AF(對焦)/AE(曝光)。

乜野時候會用?

例如影人啦, 當天空好鬼光時, (你又用平均測光), 咁影出來,個人自然會變左黑面神 (補燈唔計,點測光唔計)。

係呢個時候, 你就可以用到呢個制啦。對住個人張臉對焦, Lock死果AE, 再構圖, 禁影出黎張相個人就正常啦。

2007-10-04 15:05:21 補充：
呀係~ 出custome setting set返淨係lock AE會好用d.

呢個功能係俾你鎖死光圈快門值,唔會因為改變構圖或者畫面有突變而改變.
舉個例子,例如你想用點測光在夜晚影個燈籠而佢又不是在畫面正中,你變咗要先對焦後構圖,咁再構圖時測光嗰點就變咗係夜晚,咁個燈籠就會過曝.當然有啲機可以選擇在對焦時做埋曝光鎖.又或者用其他對焦點,攝影有好多方法的.
另一個例子,你要在室內運動場影賽跑,啲運動員衣服五顏六色,有啲好深色,有啲好淺色,一跑過畫面曝光值即刻錯晒,你又未必成日有時間搞曝光補償,咁你可以用跑道做參考先鎖死曝光值,咁就唔會受影響喇,當然可以用手動曝光代替,但如果運動場有幾個光暗度咁AEL會方便一點.
另一個用法係在光圈先決或程序模式時,使用閃燈加長快門曝光,大部份機的這兩個模式會在光線不足時加快快門防止手震,靠晒閃光燈補光而令背景變黑,鎖死快門可以令背景有足夠曝光.