倉鼠是男仔

痾血多數都係因為膀胱or腎有問題,又或食左有紅色色素既野,但同時要留意會唔會有肚瀉既問題,瀉得太多見血都唔出奇

唔知你之前既問題既鼠係咪同而家問既呢隻係同一籠?但病徵有d似,感到有d奇怪及擔心,但應該唔會係同一隻鼠吧?因之前一條問題既鼠有傷口及懷疑係月經,所以照睇就似係女鼠,定係其實係同一隻鼠,只係睇錯及分錯男女?
因為如果係兩隻鼠就好唔同了,所以想攪清楚,同時有兩隻鼠有出血情況,好易係因為互相傳染,就算唔係同一籠,鼠用既物品有所交流,同時拎出唻洗,拎出唻後放得近,兩籠好近都有機會傳染,因此,若係兩隻鼠,更加要小心處理衛生問題了

暫時睇返而家呢條題目既鼠,有以下可能:

A.膀胱or腎有問題
尿中有血,就可能係膀胱or腎有問題,鼠鼠排尿既時候會感到好痛,要留意鼠鼠平日排尿既時候有冇好辛苦甚至尖叫.膀胱or腎問題多數都因為亂食野,令尿變鹼性,引起感染

呢d自己處理唔到,應該食抗生素先得,病情輕既時候,其實睇醫生係可以好快好返既

處理方法:
1)有第隻鼠既話要分籠,避免傳染or第隻鼠乘機打病既鼠(不過鼠鼠其實係獨居動物,分開住會好d)

2)鼠鼠呢個時候既尿都幾多菌,所以需要成日洗籠,最好係用for小動物既消毒藥水洗籠(亂用人既消毒藥水,會對鼠鼠有害),都可以用牙膏清洗,都好殺菌既
如果唔係,有機會引起皮膚病等細菌感染既問題

3)保持個籠乾爽清潔,唔好將有病既鼠用既野俾第隻鼠用,唔係都會有傳染既機會

4)唔好俾風直接吹到鼠鼠,要鼠鼠保持溫暖

5)要戒口,膀胱or腎有問題,都可能係因為亂食野引致,人既食物大多數都唔適合鼠鼠食用既

6)當然係盡快帶佢睇醫生啦. .睇醫生既話可以考慮一下:
愛護動物協會診所資料:(需入會) Dr. Corla DeWet
http://www.spca.org.hk/chi/vet/vetclinic.html
愛護動物協會流動醫療車資料:
http://www.spca.org.hk/chi/vet/moclinic.html
大圍珍禽異獸及寵物醫院 DR.TIGER/DR.LAM
Tel: 2687 1030 地址:大圍積信街75號地下
http://www.taiwaiexotic.com/

B.食物中帶有紅色食物
食物既色素會跟隨鼠鼠既排泄物排出體外,所以如果最近有食d紅色既野,都可能會令鼠鼠既排泄物有顏色

C.肚瀉
肚瀉既要留意以下幾點:
1)買d止瀉藥加入水度俾佢飲
2)唔好食零食之類,蔬果更加唔可以食啦.可以俾d白麵包or麥片佢食.(好少量),其他人既食物當然都係唔好俾鼠鼠食啦,鼠鼠正常時都唔可以,好返都要戒口一段時間
3)有第隻鼠一齊就要分籠,因為會傳染既
4)保持個籠衛生
5)接觸鼠鼠之前之後都洗乾淨手,自己有唔舒服既就唔好接觸or靠近鼠鼠咁多.
6)鼠鼠有唔舒服係會特別怕人,都唔好打擾佢咁多
7)鼠鼠既用品同籠都要用動物專用既消毒劑消毒
8)密切留意下佢既排泄物變化,留意鼠鼠尾部會唔會成日濕晒,如果濕既話整乾淨又會唔會再瀉返,長期濕就可能係好嚴重既濕尾症.而濕尾症就多數好難會好得返,好快會死.最好就盡快要睇醫生.
9)肚瀉不止(2,3日左右)or瀉得嚴重,就最好去睇醫生啦.
愛護動物協會診所資料:(要入會)
http://www.spca.org.hk/chi/vet/vetclinic.html
愛護動物協會流動醫療車資料:
http://www.spca.org.hk/chi/vet/moclinic.html

你比左d咩它食?
or 比左d 生水它飲?