✔ 最佳答案
其實m記係長年請人的, 滿15歲就冇問題
但你sd信去就唔知會派你去邊間鋪了(好似有分地區)
我果時中五, 係去鋪in的, in左幾間先有人要
同埋間間鋪都有其特別需求
例如
沙田新城市廣埸,海洋公園,機埸(暫時結業)等
多遊客的鋪識 英文同普通話會比較好
宜家有部份24hr的店請通宵更的人(10pm-8am期間)
返呢更仲有每日廿蚊左右的"夜班津貼"
有d鋪仲會比高d人工添
大多數店的星期一至五的日班(6am-6pm)都應該要人的
因為9月開左學, d學生返晒學應該唔係好夠人
但如果你係暑假見工,
又係應屆中5會考生的話就未必會請
因為佢怕你地只做一兩個月, 開學就閃人
所以每間鋪只會請幾個, 甚至唔請中五生
我以前就遭人白眼了...
本來都in 得好地地既~
臨走前佢問我係咪會考生,
我答係, 佢就立即黑面... 叫我等電話
P.S. 提提你
如果你去m記鋪直接見工,
記得帶 鉛筆擦膠/原子筆 同埋 身份證
填表的時間 寫的 "可上班時間" 越多越好
請的機會會大d
希望幫到你啦^^
LL