我個bb唔肯食奶粉,超唔夠磅,好擔心!!!!!

BB唔食奶有好多原因。可能因為餵人奶時BB感到有安全感，聽到媽媽心跳聲會情緒平靜D。又或者人奶的溫度同開奶的溫度不同。唔同人湊佢或者搬左屋、轉左間房都可能對D敏感的小朋友有影響。我個仔幾個月大時，一樣食奶很少，人地BB吃6安士，佢飲2安士；9個月大時，只愛喝水；所以都明白你好擔心。不過，小朋友唔好強迫佢食，反而會弄巧反拙，一見奶、匙羹就驚。其實除了奶仲可以試其他食物。例如有味的果汁加水、葡萄糖水、果泥、番薯泥、南瓜蓉、香蕉蓉、剩米糊、粟蓉粥、番茄蓉粥、肉汁加粥水、菜蓉粥、等，只要唔落鹽大致都OK,唔會令BB個腎負荷太高。若果佢無敏感，又願意食，甚至可以試蒸小小稀蛋白佢試，每次試一兩啖，如果可以佢手仔已夠力拿東西，俾d乾淨玩具、麵包任得佢放入口，佢再大D就會自己執野食，不過你預左佢烏糟到不得了。另外，當出牙仔都會無胃口的。不過如果你BB有嚴重減磅的話，咁可能BB的腸胃或者身體有唔舒服，建議你帶佢睇兒科check 。有個兒科醫生幾好，叫趙長成醫生，在嘉賓大厦。我BB試過因有水囊而腹痛，係佢跟進的。佢教導和輔導埋我唔駛擔心。希望幫到你。