我想係深圳搵工,有冇人有好介紹,有d咩野我要注意呢(急)

去一啲搵工網站如jobsdb、招職、recruit找尋吧，通常呢啲網站都會撥開一欄專門列明大陸工作，你從呢個途徑搵工，可避免遇到一啲求職陷阱。

至於搵深圳工，要注意嘅野當然有好多，但我諗以你而家嘅年齡同經驗，首重都係以下幾樣野：

1. 去大陸搵工，除非你直接apply大陸啲公司另計，否則如你只是apply香港嘅公司，而呢間香港公司委派你上大陸嘅，咁人工應起碼比同類POST而唔駛上大陸嘅高10%先至化算。

2. 你要留意係咪日日都在大陸返工，例如我之前嗰份就三日在香港，三日在大陸。因為如你一年有一半時間在大陸返工，就要交埋大陸稅，連埋香港稅，你會好甘。

3. 你要留意嘅除左有在大陸嘅日數外，仲要留意放左工係住喺深圳嘅宿舍呢？定係公司可以做到俾你即日往返香港，如是後者，咁過關啲車費又邊個負責？因為即使係深圳都好，始終都叫做離鄉別井，如公司要求你成個星期都喺大陸，只係週末返吓嚟，你會覺得同屋企人同朋友嘅關係好似當堂疏左，會有思鄉病。尤其好多公司嘅宿舍都唔係單人房，你可能要同另一個或兩個同你唔夾嘅同事迫埋同一間房，返工已經對住同事，放工甚至訓覺仍要對住佢地，冇晒私人空間，好似冇放到工咁，你會做得唔開心。