我想問自己一個人去唱k係味好奇怪?

其實都唔係好怪,我心情唔好都試過.
有0的嘢想咪做囉,你又唔係唔俾錢~
你理得人地點睇丫~0個到0的人又唔識你.
咩都要理人點睇會少好多快樂~哈哈!

e.g 一個睇戲,真係正好多!!!

平心而論，我係唱歌發燒友，但我都覺得一個人去唱k好怪。最重要係去到reception嗰一刻，人地問你幾多位時，由於自己會有個concept香港人唱k一係一pair，一係幾個，一係成班，所以你會覺得開口同人講一位，會好尷尬，好似好異相咁，唔知啲職員心入面點諗自己。

但後來我發覺原來香港都有唔少人 (當然亦唔多)真係會閒時一個人唱k嘅，尤其k lunch時段我見過唔少。如你真係想一個人唱k，但又唔係好過得到自己覺得自己怪呢個心理關口，我建議你從k lunch開始，就當同自己講好多人都係一個人食lunch架啦，只不過我去k食啫，咁你就會慢慢放開啲，過一排你去得慣左就會覺得冇野。

唔怪喎~一個唱k鍾意唱乜就唱乜~又唔使理會人地鍾唔鍾意聽果首歌~

就算同一首歌鍾意重複唱十次或者一百次都冇人話你煩~

又唔使同人爭咪~

埋單又唔使請埋人地果份~

唱k點數積分又唔怕有人同你爭~

最重要係現金埋單果陣唔俾貼士又唔會俾o的friend知道你孤寒~