新買的小提琴問題(急)

一支全新既小提琴弓拉唔出聲係正常架, 因為支弓未搽松香, 如果你一買返黎已經識響就仲衰, 證明部琴(或者支弓)係二手, 或者係陳列品, 俾人試拉過架

通常買琴會有松香附送, 你睇下個琴盒入面有冇一舊黃黃地好似蜜臘咁既野, 用佢搽到支弓毛變奶白色, 咁你拉部琴就會出聲架喇, 如果部琴冇送松香都唔緊要, 松香唔係好貴, 平平地十蚊左右有一舊, 靚d既都係幾十蚊, 一般琴行有售

最後奉勸你都係搵人教啦, 小提琴好難自學, 第一姿勢動作, 你唔知點樣先至係o岩; 第二拉琴技巧, 就算有人教都未必一時三刻做得到, 更何況你係自學, 真係諗爆頭都未必參詳到; 第三係睇譜, 依樣我唔會太肯定, 因為你可能有學過其他樂器, 本身識睇五線譜, 但係你又點知個音要按部琴邊個位呢; 第四係聽音準, 初學普遍唔識聽音準, 係由學習過程中慢慢學返黎既, 如果冇老師指正, 就唔知邊個音準邊個音唔準, 長此下去就只會一直拉唔準d音架喇, 所以點都係搵個老師好d

2007-10-11 14:57:36 補充：
提番你搽松香要適量, 搽唔夠或者搽太多都係唔好架, 唔夠松香支弓會跣又唔夠響, 太多松香d聲就會沙, 而且拉個陣多餘既粉會飛晒出黎, 吸得多可能會影響呼吸系統; 另外其本上大部份弦樂既弓都係用馬尾毛做, 例如中樂既二胡或者西樂既大中小提琴之類, 可能我見識少, 暫時我都未聽過用馬尾毛以外既物料黎做弓

應該係因為你枝弓無查松香....
P.S:松香係一種粉...但係你買個陣會係一舊的....

枝弓其實只係一d纇似魚絲既物體.....
一定要靠松香.....先可以同d弦產生震動....
從而發出聲音！！

有不明白的地方.......歡迎再問！！！

首先要在支弓的最尾部份順時針扭來拉緊弓毛,不拉琴的時候一定要迍時針扭,把弓毛放鬆.你也要到琴行買松香(一定要擦!不過千其唔好擦太多!本人也是拉琴的)
拉琴時記住不要太用力用支弓來壓住條弦.^^

你去琴行買一盒"松香", 應該係一舊黃色半透明的硬東西, 然後將弓毛放在松香上面反覆摩擦至有白色粉末飄出,你會發覺弓毛會有少少黏性,咁把弓就可以用啦.

但間中都要用松香擦下d弓毛音色先好咖!

2007-10-11 01:34:29 補充：
弓上面的毛其實是馬尾的毛....

支弓的毛要收緊架喎, 最尾個位有得扭緊, 要擦乾粉(但唔擦都應該有聲)

你試下大力係弦線上面拉, 初頭一定好似擋雞咁難聽, 放擔拉多兩下就應可拉到正常聲音了.