送入醫院治病

院內生活好有規律,不過比到一個好好既地方清淨,有d與世隔絕,出面既野好似咩都唔知,因為唔想d院友煩出面既野,怕影響情緒~
初初會好悶,但慣左就唔會...
7:00前起身梳洗,食早餐,食藥時間(睇住你食,"呀"大個口比佢地睇)
9:00~9:45 ot時間(職業治療)
10:00沖涼(d洗頭水,lotion果d唔可以用玻璃既,唔可以多過200ml,要比佢地收好)
11:00有時一齊傾計,睇帶,聽講座
12:00食lunch,食藥時間
14:15~16:30探病時間(第一節),見醫生
17:00 dinner,食藥時間
18:00~19:45探病時間(第二節)
20:00食宵夜,食藥時間
20:30~22:30叫最自由喇,想點都得~(不過都係睇電視多)
22:30要熄燈瞓覺
00:00前瞓唔到就一定比安眠藥你食左瞓,唔好攪住人
所有火機呀,煙呀,危險物品,玻璃,手提...都唔比帶,但有咩理由連電話同罐裝飲品都唔比帶架~拎咩入去又要check,個人用品又要keep,連廁所既洗手液都要溝水架~食既野又唔比拎得多~門口又唔比出,唔係就報警...打電話又要定時定後,仲要排隊限打三分鐘
院內環境有幾間房,有個廳睇電視,有個飯廳~
總之同一般病房唔同,因為精神科病房想比人舒服咁養病~
入面咩年紀既病人都有,但大家生活都好融洽,係有時候會有d唔係咁好既情況發生,因為病發,大家都唔想既~入得去既都會有自己既故事同問題...
治療方法要醫生同自己既配合,個個都唔同~
有d除左醫生之外,仲會有社工,心理學家,營養師...
要睇自己既病情~
醫生未必每日都會睇症,但有時要睇埋門診同去其他科睇症or去其他醫院~
情緒病同一般病唔同,食藥治療係輔助,最重要係自己努力~
如果自己都無心去醫,一定唔會好返~

我自己都入左兩次,而家岩岩渡假出黎,無事返去見醫生就可正式出院,但入得去預左要一段短or長時間,之後要渡假睇下適唔適應到...
始終係醫院咁耐,無咩見人,有d人渡假既出街既時候好驚好唔慣,但比小小時間就ok~

祝你早日康復!!

2007-10-04 13:21:26 補充：
間間醫院可能會有出入,我自己就係屯門醫院精神科~唔好諗咁多,醫生覺得需要先叫你入院者,如果無,即係唔係咁嚴重~諗咁多,對自己都唔好喇~好好努力,我相信會有好多人支持你架~

最好不用住哩！
(一) 環境、生活：
始終要和其他患情緒病的人同住一個大房(的 6 至 8 個人),
大家的病都不相同, 而且年青人較少,
感覺很慘,
探訪過一個只有18/19 歲的朋友，
她住了九龍医院差不多 3 個月，不病壞也悶出病來，
医院只有一個二百多尺客廳給病人看电視,
同房全是中年或老年人, 大部分目光呆滯，
真希望朋友快些因找對藥物而出院。
其實医院環境清幽，空氣也好, 病房不算擠迫，
護士都友善, 医生都會每天看病人一次，
但住院是無自由的，
生活單調，每天就是吃早、午、晚餐；睡覺、吃藥、看電視；
絕對不適合年青人。

(二) 治療方法：主要是吃藥，相信可要求見下社エ或院牧。

(三) 医生主要是每天巡房一次。

(四) 早点康復方法：
-------如要吃藥就要定時依医生指示吃藥, 不要亂加或減吃藥物。
-------自強不息，
-------最好獲得家人和朋友的支持及「代禱」，自己亦願意接受
別人的支持和愛護，不接受別人的關心有時---就是致病原因之一。
-------力保「心境平靜」, 有自信,
-------不介意長期吃藥，要知道很多病也要長期吃藥如高血壓。
-------要明白情緒病不能「快復原」要等待---又等待，
-------學「瑜伽」
-------學「祈禱」
-------學「唱歌」
-------學「太極」
-------學「去愛」、「被愛」
-------學 " forget " 、" forgive" ，
-------降低對自己和別人的要求。

_______________________________________________
方法還有很多, 祝安康！
Maybe we can talk about it one day.


2007-10-06 02:05:21 補充：
其實這是九龍医院的情況,還有葵涌医院、青山医院、其他医院附設的精神科,每間医院情況都有分別。青山医院有職業治療及服務可到其網址看。