有關辭職問題...

我好欣賞你做人嘅態度，真係好欣賞，因為都幾似我。但我發覺原來呢個世界可以好現實。我試過好俾心機做一份工，真係付出左好多，但結果PROBATION前一日俾人炒左。本來如果我做野唔達到公司要求，你炒我都無可厚非。但過分在佢地明明個個都睇到我用左好多心機同時間(包括私人時間)做野，而又一早知我做野嘅方式或成效並非公司所要求嘅，但一直都冇指導我，提醒我，等我自己都唔知道自己錯左。直接啲講句，即係完全冇幫過我。最寸係上司趁佢自己唔在場時，先叫人事部叫我走，佢自己就唔駛做醜人，免得尷尬。但我話晒都跟左你三個月，你在情在理都應該見吓我，當面交待幾句，有尷尬野就自己閃左先，真係唔負責到極。

因此，你只得三個月，唔駛同公司講感情架，如果佢覺得你唔適合，一樣唔會對你講感情，最多處理上比我上述個上司大方啲啫！你只要交封信，再當面向佢地講清楚原因同情況，再好好地交待清楚你手頭上嘅工作，已經係一個好有責任心同對得住人嘅員工嚟架啦！

冇興趣咪唔好繼續做o羅, 而家打工o者, 又唔係同佢做人世...唔使內疚喎! 如果你淨係因為佢教過你做野所以你走得唔安樂, 咁佢而家都走啦, 你又唔再係同佢一齊拍住做野。
教你好多野咁又點呢? 佢一定要教你, 唔係邊有人幫公司做野呢? 有時唔需要將自己睇得太重要, 呢個世界無話無左邊個會唔掂架, 間公司無左你佢地一樣好快就搵到人replace你個位。最緊要係你走之前將D野交帶好比下一位接你既同事, 咁就已經係負左責任架喇～～

一般公司過probation前辭職淨係要７日通知, probation後辭職要一個月通知架, 你果間咪係一樣? 係就要快D行動喇～～

上司教你做野係佢責任之一，
如果你唔識做，佢要做埋你份
所以唔須要太介懷‧
當然上司有心機同全部教哂你做野，
佢係一位好上司，
其實你可以問下佢對於你要走要留有何意見，
因為佢做咁多年都走一定有原因，
如果係公司前景有問題，
你就走為上著啦！

對於一份工是否要走，
1. 最主要你是否喜歡份工；
2. 再留係呢間公司有無多的野學；
3. 再留你是否有晉升機會。
如果上述3項都是否定的，
你就應該走啦！