點樣可以o羅個平行點?

兩個人一齊取重要係信任, 坦白, 包容, 其實你巳經好清楚知道個問題係在自己身上, 點解你都唔去試下相信對方呢? 就算以前被傷害過, 都不是什麼大不了, 因為人成長係需要經歷架, 枉枉順風順水, 根本就唔識點去做人, 就係因為被傷害過先更要面對, 因為挫敗會作為你下次的警惕, 如果永遠活在以前, 無論現在或將來, 根本你無法再同任何人一齊, 因為你連基本信任都唔識.

第一. 佢有無呃過你先
如果佢有呃過你或者曾經對你不忠, 就難怪對佢無安全感, 無信心,
但係咁點解你仲要同佢一齊呢?
既然你選擇同佢一齊, 即係會接受佢啦, 如果你好愛佢, 就算佢呃你十次百次, 你只會唔開心, 但係都會接受.
如果佢無呃過你, 只不過係因為以前的經歷令你對佢無信心, 這樣對佢真係好唔公平, 因為你根本拿不出証據去判佢罪, 而且每次佢都有解釋或者call返你, 只是你唔肯相信而己

第二. 每個人容忍都有限度
因為你的不相信, 我相信佢比你難受十倍, 因為佢知道自己做咩都巳經無用, 初初都可能仲有心逗下你, 同你解釋下, 但當每次都做埋同一樣野, 每次都唔信佢, 比著任何人都死啦, 仲洗咩同你解釋姐, 你自己都巳經有答案, 判左佢咩罪囉, 漸漸會由好聲好氣 -> 生氣 -> 唔想理你 -> 感情開始淡 ->分手, 根住你就會覺得係對方變左, 唔愛你啦, 係衰人來, 可能分左手之後你仲會例佢入你以前慘痛經歷的黑名單當中. 但係你永遠唔知罪魁禍首其實係你.

第三. 點解每次拍拖都失敗
你有無諗過, 係咪真係自己咁黑仔, 遇親d仔都係衰人, 定係自己一路存在問題, 但係又唔敢面對, 又唔會改過就將所有野推到男人身上呢?

點都好, 試下改變自己, 唔係只為拍拖, 係為自己, 你試下用你對眼去睇件事, 唔好亂猜, 記住事情一日未發生, 一日都唔好幻想, 有時比多d空間對方, 千萬不要用追魂call, 就好似風箏一樣, 如果你扯得大緊, 斷左就返唔到轉頭, 有時放遠d, 只要一日條線仲在你手, 佢一定會返到來
講真丫, 驚比人呃, 成日抱怨什麼又有咩用喎, 只搞到自己成為男人中的犯眾憎, 最成功的女人不是樣靚身材好, 而係你可以令個男人不知不覺唔想離開你, 覺得同你一齊好舒服, 無壓力先至係掂, 如果你做到, 你活得比現在好十倍

其實妳已經找到方法, 不過未知如何做吧!

1. 我講比佢聽我唔開心原因..之後大家傾傾先冇事...
*** 妳們得閑互說和分享自己過去的情史, 快樂的, 不快樂的也可以分享, 大家可以了解多些. (有一些太敏感的內容不一定要講足, 說概要都可以, 以免對方難受或介意)


2.拍拖都比人扼過..有好大暗影..好驚又比人扼...
*** 妳不想比人扼的東西, 便要多加保護自己就可以. 有些時候, 即使對方對唔住妳, 出賣妳, 如果妳自己已經做好, 問心無愧便可以了. 正如我從前試過被女友飛, 因為我的身家不厚. 但我一直都對她很好, 現在大家都是朋友, 我已經做了我所做的, 我該做的. 分手, 雖不開心, 也專重對方當日的決定. 我現在都有未婚妻, 生活很開心.

3. 妳們找多些共同的生活事情, 大家有商大量, 佢不開心, 妳要知, 相反都是.
開心時候, 大家一齊開心. 每個人要有個人的空間, 也同樣有共同的合群生活.

記住, 妳是他的女友, 不是他的監護人. 同佢講: "我關心你的事, 很想知道和了解. 但不是要你向我匯報"

希望妳們都快樂.

你本身個心態已經唔健康，成日覺得比人扼，其實大家拍拖冇話扼唔扼ge，只係睇你點睇，好多時感情受到考驗，導致分手，都無可厚非，你要知道世事常變，變心唔一定係對方，或者這次是你呢？試問有誰可保證全心全意，一生一世？如果你成日疑神疑鬼, 精神緊張只會破壞自已的感情生活，下下要人氹要人解釋，比著你都累la，何必親手去扼殺一段情，到時又覺得人地扼你…