我隻雪撬.....

係皮膚病0黎!
有可能係幫佢沖涼沖得太密而令到佢保護皮膚表面0既油脂無哂,所以有脫皮0既情形,又或者係太耐無沖涼,即係好似人咁,耐無洗頭都會有頭皮.
之前我隻狗狗都試過咁樣,醫生話滴0左frontline之後會好d,咁我隻狗狗滴完一個星期左右就無哂d頭皮.你都可以試下.
不過,最好都係同佢去睇醫生,會安心d啦~~

2007-10-03 12:39:22 補充：
其實HUSKY真係唔係咁適合香港0既天氣,夏天你一定要長時間開冷氣俾佢,唔係都會好易摳出皮膚病,同埋開風扇對於HUSKY黎講真係唔係好大作用,之前我問過醫生,佢話風扇係唔會令到佢0地覺得涼快,只係冷氣有用,因為風扇唔會令周圍氣溫凍0左,亦吹唔到佢0地D底毛.

2007-10-03 12:39:31 補充：
咁你隻狗狗出街出得密唔密?如果唔係太密,依家夏天,大約2星期左右沖一次涼.冬天就可以3-4星期.密0既話就夏天1星期沖1次,冬天就2星期一次.仲有唔好用乾洗粉,對D皮膚唔好的.同埋你試下轉隻含蘆薈0既沖涼液啦,可能會好D.滴frontline係唔會醫皮膚病,但係有時有可能係d寄生蟲引起皮屑,所以都可以試下,另外,每一隻狗都應該滴frontline 0既,起碼可以免除有蝨或者寄生蟲0既發生嘛~

食呢隻omega 3對佢既皮膚問題有幫助，d頭皮會好快消失。另外用呢隻沖涼液可以有滋潤作用，對於改善狗狗乾燥既皮膚有一定幫助，冬天我會選用呢隻沖涼液俾狗狗用。
可參考以下的網頁:
http://www.puspaka.com/*****262
http://www.puspaka.com/*****156

佢身體扺抗力可能比較弱,你試吓俾d魚油佢食,又可能你隻糧唔適合佢食,又或者沖涼液唔好,都有影響架

正如樓上所講,呢D係皮膚病黎...皮膚病既成因好多,可能沖涼沖得太密/好耐無沖涼/可能剷毛剷太短,陽光晒到皮膚/有蟲...你最好盡快帶佢睇獸醫
FRONTLINE係防蚤殺蚤用既,同皮膚應該無關...
雪撬D毛好厚架,對佢地黎講,淨係開風扇可能未必夠架...如果你有同佢剷毛都好D,無既話佢地會好熱架...你留意下佢有無成日申利/好熱,有既話,你最好日頭開冷氣比佢...