想行麥理浩徑第一段..但又唔知點樣搭車去...點算!!

1,新界區有咩車可以去到起點?
你可以在沙田火車站巴士總站搭299號巴士, 在北潭涌下車, 沿閘口前行約5-10分鐘, 見到有路口交界,有, 條大木柱寫有 "麥理浩徑 起點"

另一方式是在西貢市中心搭的士直達"麥理浩徑 起點",

你由這點開始行, 見到迥旋處向右行, 便會進入麥理浩徑第一段, 你要沿途在車路上行, 不用理會其他路口, 而且沿途你會看到標誌竿, 註有麥理浩徑 標誌和號碼, 會途經, 西壩, 東壩, 在東壩, 要離開, 因為此段沒有樹蔭, 在烈日當空行走易中暑, 要備好足夠糧水, 傘或帽, 以便需要時使用, 如果只想看這裡壯麗景色, 也可以直接搭的士到該段,

祝你玩得開心 !

麥徑第一段起點在北潭涌，你搭巴士去北潭涌咪得囉

不過麥徑第一段係一段好鬼悶既路段，開頭約 11 公里都係水塘石屎路，
只有去到2條大壩有 d 風景，絕對悶到想死冇命賠，
之後要上西灣上落吹洞凹，風景幾好。不過提醒你：
1. 沿路無士多補給食水，冇經驗者起碼帶 2 公升水
2. 由於絕大部份係石屎路，如果陽光好 = 上面晒下煎魚，
帶夠 3 升水安全 d , 以免中暑
3. 終點係吹筒凹，要向左行番上石灣亭等街車，返出西貢市麥當勞，

4. 如果有力，不如轉右落西灣行第二段，因為落到西灣有好多士多招呼你，休息下，買 d 水再搏過，之後大浪村又有士多... 但係臨尾的赤徑村就未必有補給，因為只剩番一間士多仲有機會假日開門 (以前有三間，但係兩間既老村民已經位列仙班了，但係佢地以前真係好 nice, 令人懷念)
5. 有力既話，可以直殺出北潭凹，但我通常都會帶人由土瓜坪轉右出黃石碼頭，因為巴士總站易上車 (土瓜坪村冇士多，唔好打攪人地村民)
5. 如果去到赤徑已經冇力，經常有機動舢舨來歡迎你，送你出黃石碼頭搭巴士，代價當然係一頸血啦！