✔ 最佳答案
我當年中化科攞c, 實用文a, 口試b, 希望可以同你分享一些經驗.
中化科主要關於三個範疇, 包括哲學, 歷史, 政治. 歷史以政治史為主, 所以讀有關中國政治的書, 差不多就係讀緊中國史. 知道長幼有序, 君權天授, 天人合一等思想, 已經明白個大概. 你可選中國歷史概論, 中國文化通識等書來睇睇, 可讓你約略知道有關知識. 要做到通曉同熟識, 當然要畀多d時間同心機去睇同了解. 具體建議: 睇一d歷史人物傳記, 如"張居正傳", 公共圖書館有得借. 既可讀相關歷史, 又可睇睇傳統官場文化, 一舉兩得.
作文方面, al中化科係要寫實用文. 一般來講要熟記不同文體的格式. 考試時, 比較贊同選答無格式要求的題目, 因為不會因寫錯格式而被扣分. 多看評論, 有助理解社會, 時事, 但自己亦要作出分析和反思. 東方評論可以一看, 但始終只是一家之言, 希望你可以多睇幾份不同立場的報章評論, 集思廣益.
口試方面, 考咬字, 用詞, 觀察力, 聯想力, 常識水平等等. 任何題目都可以講好耐, 你在閱讀評論時, 已經同時增加你的識見. 再多睇名咀, 電台節目主持人的談話風格, 留意如何討論單一題目, 如何過渡至另一相關主題, 亦是重要技巧.
我當年口試的題目是"一枝鉛筆的自述", 我講了3分鐘, 結果攞B, 你試吓諗諗呢個題目, 睇吓你諗到乜嘢point.