(急) 我的熊仔鼠係吾係有病呀

熊仔鼠兩歲都開始老了,但只係話忽然瘦同少活動既話,好難咁去分佢係病定係老,但就算係年老,都唔可以輕視

而家要留意返以下問題:

1)牙齒有冇過長?
鼠鼠年老既時候,好易會有牙齒過長既問題
鼠鼠瘦得快,要留意佢既牙有冇過長令佢食野困難,有冇過長可留意佢合埋口時係咪合得晒,合唔埋or流口水既話,就要帶佢俾獸醫去剪牙,唔係牙齒過長,好易插穿鼠鼠既口,咁就會死了

如果只係牙好長,但又唔係太多既話,你可以買d磨牙石俾鼠鼠磨牙,如果你隻鼠唔咬磨牙石,就可以買一d木制玩具俾佢咬,又或可以試下鹽磚or較硬既食物棒(一支木,外面有食物包住)

鼠鼠係一定一定要磨牙,用咩野俾鼠鼠磨牙都可以,但一定要夠硬,夠衛生,夠安全,唔會甩色,即係唔會整傷鼠鼠,唔會好尖,又唔會係膠,所以木制 同專俾鼠鼠用既磨牙用品係最好既

2)有冇便秘?
老左既鼠好易因肛門一帶既肌肉鬆左,所以排泄會較困難,唔舒服自然會瘦同少活動,甚至令鼠鼠行得唔穩,甚至行唔到

分辨便泌:
a)拎鼠鼠既排泄物上手咁下,最好係佢排出唻冇耐(過一陣,1分鐘度啦,即摸好易係好林),睇下會唔會好硬;唔洗擔心,佢身體冇咩事既話唔會好臭.其實最好係成日咁樣去檢查鼠鼠既排泄物,因為如果之前你冇掂過,就好難分係咪特別硬左,我成日都會咁做.
b)清晒個籠之後,再仔細留意佢既排泄物係咪真係少左
c)睇下鼠鼠排泄時會唔會好辛苦,平日休息又會唔會好痛苦咁縮埋一舊
d)便秘有時會見到佢肛門附近會濕濕地咁既
e)留意會唔會有排泄物塞住左

便秘處理方法:
a)將食水放近鼠鼠訓覺既地方,必須確定水樽出水係冇問題(平日都要,但便秘時水份特別緊要)
b)可以俾少少橙既"衣"俾鼠鼠食,再睇下情況有冇改善,都唔得既話,俾極少極少既橙肉俾鼠鼠(大約半隻指甲大小),唔好俾菜,易有農藥但記得真係便秘先好俾,唔係一陣攪到隻鼠肚瀉就慘
c)到鼠鼠年老時,如果有便秘既情況,其實係可以用手輕輕力按排泄位,幫鼠鼠推D排泄物出唻,不過真係要輕力,冇把握就唔好試了
d)情況都冇改善(2日度啦),就必須睇獸醫處理,俾愛護動物協會資料你參考一下
愛護動物協會診所資料:(需入會)
http://www.spca.org.hk/chi/vet/vetclinic.html
愛護動物協會流動醫療車資料:
http://www.spca.org.hk/chi/vet/moclinic.html

3)最近有冇咩改變?
最近會唔會有轉過糧又或搬過籠之類?
同埋有冇第隻鼠在同一籠or好近佢既籠,因為鼠鼠係獨居動物,有第隻同類一齊or近,都會有機會影響佢食野同活動
環境會令鼠鼠緊張,緊張都會少左食野同活動,年老既鼠係會更加對呢敏感,因為鼠鼠身體較弱,所以易更怕事

4)身體及排泄物有冇異常?
要仔細檢查鼠鼠身體及排泄物有冇異常,睇下鼠鼠會唔會有咩唔舒服,再盡快處理

5)營養問題
鼠鼠瘦落唻既時候,如冇其他疾病因素,就可能因為年老而唔夠營養,你可以俾d白麵包or麥片佢食,補充營養
同時,可以整碎dd食物,怕年老既鼠鼠牙唔夠力食太硬既野

6)年老力弱
鼠鼠年老就會需要更多既休息,減少拎鼠鼠出唻
保持個籠衛生,防止有外傷or皮膚病等問題,多d檢查鼠鼠既身體,牙齒同排泄物,有咩病盡快睇醫生處理

突然間變得好瘦, 咁果肚有無變到好大好實? 如果有咁就係個肝有事, 2個零月到應該就會...