Yoki sir 想你幫忙一下

首先，我是不明白為何ＰＥ在 aastocks 等說此股的ＰＥ只得２倍唔夠？

第一：

維達既招股新聞:

維達(3331)為國內領導性衛生紙產品生產商。以全年銷售計，維達佔最高市場佔有率。撇除超額配股權，維達招股價為 2006年市盈率26至30倍！

第二：
2007年9月21日 08:43:34 a.m. HKT, AAFN
維達<3331.HK>中期純利4108萬跌4%，不派息 維達國際<3331.HK>公布，截至今年6月底止上半年業績，錄得純利4107.6萬元，按年倒退4.1%，每股盈利6.4仙，不派中期息。

期內收益8.48億元，升36.4%。
維達（３３３１）現時市值４１億，如果下半年當賺多些，全年當佢賺夠１億，此股的ＰＥ就是４１倍！

我看了很多網友回答關於維達（３３３１）的提問，覺得黃師傳的答案很有參考價值：

不過，維達不值得長綫持有，因為其融資很有問題，常常用短期負債來經營，融資利息高，現金流未上市已經係負數，而且大股東配股上市，內地近來接連加息，紙價又升，維達這種經營方式，根本不會賺錢。

維達（３３３１）能否可以賺錢，就是取決於佢是否能真的提價！

維達<3331.HK>董事長李朝旺表示，今年紙張原材料價格上升了10%，導致上半年盈利倒退。他表示，將調高商品價格以改善盈利狀況，香港方面已提價5%，而內地方面亦計劃調高3%至5%。

本人覺得現時很多新上市的股，在上市前經過一連串的包裝，再加上很多財經演員在上市前已唱好，幫拖造勢，因此很多新上市的股票，上市後不久就狐狸露尾，維持秩序的蜜月期後來過大跌，維達（３３３１）只是其中一隻！

維達（３３３１）打正內需股的概念，以超高的市盈率上市，當然對舊有股東是好事，變相亦是幫舊有股東吐現！上市基構賣花讚花香，奈何最後害及市民投資者！

現時維達（３３３１）實質市盈率是４０倍左右，即是回報率是２厘半，如果考慮埋風險因素，不如放錢係銀行淨收利息好過！

就算公司明年盈利升幅達１００％，回報率才是５厘，仍然未見有何投資價值！何奈業績仲要倒退？

業績升得少，相對高ＰＥ已是罪過，高ＰＥ再加上要倒退更加罪大惡極！

YOKI WONG
圖片參考：http://hk.yimg.com/i/icon/16/1.gif

首先多謝YOKI SIR 的讚賞先!!
請看我係知識版原來的回答:
http://hk.knowledge.yahoo.com/question/?qid=7007092801558
前景不明朗的內需股。
我家係用維達廁紙的，其實它本身產品的質素很好 (拍得住Tempo 架，相比其他外國品牌又平D)，屬生產生活必需品。這類公司的產品，消耗快，而且不怕任何經濟周期的影響 -- 你會唔會係經濟差時用少d 廁紙?????
圖片參考：http://hk.yimg.com/i/icon/16/3.gif

不過，維達不值得長綫持有，因為其融資很有問題，常常用短期負債來經營，融資利息高，現金流未上市已經係負數，而且大股東配股上市，內地近來接連加息，紙價又升，維達這種經營方式，根本不會賺錢。
中期業績不好，我已經賣掉了我手頭上的唯一一手維達賺了錢。它說產品下半年提了價，且給多半年期的觀察期如何。這家公司我會繼續留意，其實如果營運方式改變，提價能力又得以改善 (因為維達的產品品質確實不錯，值得比多少少錢買貴D)，我會再入股。
當然係走得快好世界
圖片參考：http://hk.yimg.com/i/icon/16/67.gif

用多半年看它的業績和現金流。有時二綫股就係有呢的風險。想當年我都係高位HK$7入左理文造紙 (2314) 。後來在$5.9 到止食虫，後來發現它業績其實好好，於是HK$6 再入番，一路不離不棄，結果.... 哈哈.... 賺了我的第一桶金!!!


咪信箇D 所謂專家mud 叔物叔，信自己好過啦~~

不妨自己買d 維達睇下d 品質如何，各花入各眼，免得賣花讚花香..... 彼得林治有時都係咁樣選到自己的愛股架~~

如果你同你身邊d 人都認為維達產品都唔得就真係要諗過拉~~ 補充時間：2007-09-28 23:23:01

我唔知你係邊度睇到維達PE 係2倍，但買股票係睇前景而唔係睇歷史PE 的，如果根據半年業績再計埋佢提價的因素 (呢類股票應該冇季節性因素) ，我估計07年預計PE 係40倍左右 (= 4.7/0.13 or 0.14)。40倍PE 買入一隻唔係有增長的股票，你認為值唔值得?
其實睇股票唔係咁複雜，睇下佢點賺錢，成本結構，能否將成本轉嫁給客戶或用其他方法減低成本，咁當然有d 公司唔係咁易睇啦 (因為唔熟佢做mud)
如果木槳價升，中國林大 (910) 又是否一個較好的選擇? 你試想想....
圖片參考：http://hk.yimg.com/i/icon/16/57.gif