補maths搵邊個好?幾錢1個月?

補math應該找DICK HUI,唔好找WILSON。無諭你數學成績好差一樣咁話。
成績差:
補DICK HUI,幫你脫胎換骨,佢所教的計數技巧,又加上計數機程式,真係做到快狠準,甚至去到求錯不能的地步。佢雖然上堂經常搞笑,你千萬不要覺得不實際,佢以生鬼的生活例子使你將重點技巧容易記入腦,同時你又有能力將複雜的問題變得好簡單。DICK HUI唔同其他學校教師,唔同其他補習老師死攻概念,忽略做數技巧,而DICK HUI技巧,概念,陷阱並重,加上佢比的練習是極接近公開試模式,所以真正考試時會有一種似曾相識的FEEL。
如果補WILSON LIU,你根底唔好,只會每個月白白送錢比佢洗。WILSON LIU會85%講概念,從而缺乏技巧,只要題目稍為改變,弱者就會比題目玩弄,埋頭苦幹地做數。
有根基:
補DICK HUI,唔好話成績好先,先話你根基好,本來應該得65分的,可惜天妒英才,令你唔夠時間做,可能令你得50分,真遺憾。因此,DICK HUI唔會比你失望,根基好的話,得到DICK HUI的魔鬼絕招+計數機程式可令你在EXAM慳不少時間,令你有好多時間CHECK 卷,並加強你取C屬必然,誓死奪A,B的決心。
補WILSON LIU,你根基好,佢會比好多不同類型的數你做,使你容易熟習,應付千變萬化的題目,可惜佢好少講計數技巧,而又不斷比深練習你做。冇錯!的確令你有進步,但所花的時間肯定比DICK HUI的學生多好多,WILSON LIU奪A的學生可能比DICK HUI奪A的學生辛苦幾十倍啊!
************
有人話DICK HUI唔好:
第1,魔鬼絕招太多,分唔清楚咩時候用邊招,搞到自己等食蕉,就話DICK HUI唔好。簡直係極不負責任,唔係咩!你又想學絕招做學,但又嫌3嫌4,怨天尤人。你試想下:DICK HUI比的功課唔算多,D懶鬼又唔清理DICK HUI所教的野,搞到越積越多,其實你每日1個鐘地溫DICK HUI教過的野,我相信你數學一定突飛猛進。如果你唔識的話,就用最傳統的公式了,唔止DICK HUI,連學校都成日講記公式,學校仲不厭其煩地囉唆你,如果連咁多公式都唔記得,即暗示比我知你在學校喪抄勁課咁冇出色。
第2,DICK HUI所教的計數機程式,令好多低能人可取A,B。簡直胡說八道,DICK HUI奪A,B,可能得C的學生經常返做又返數,經常研究才可有條件奪A,B,我又不相信DICK HUI奪A,B的學生冇左部計數機會好低能,冇基礎,唔研究又點可能拎A,B呢?而絕大部份的學校在中5都教左你一條程數機程式,我唔信你唔會學。如果他補習老師教你程式,我包你肯定好想學。講老實做數,就應該一步一步做,唔跳步驟,做MC又一步一步做呀,唔好飛步驟呀!點解非DICK HUI的學生跳步驟就得,而DICK HUI的學生跳步驟就唔得?做MC要快狠準,DICK HUI用計數機程式做都合情合理。
*************
不過,DICK HUI真係有一樣一定唔好,就係學生太多,有7000幾人,冇可能照顧每一個學生。
因為,如你想得到最貼身的支援,不妨找遵理的oscar或現代的thomas sui。

2007-10-04 10:58:04 補充：
我不知你係中幾,如果中4,最貴最貴係$430,多數係$350。如果係中5,最貴最貴係$530,多數都係$460-470。最貴當時係全live,中4和中5的全live都在太子。