幾時先要提高感光度？幾時先要校大光圈？

經驗話我地知唔到最後關頭都唔好較高個ISO,
好多DC當ISO去到400時就會出現雜訊,
而DSLR就好少少, 可以去到邊就睇你用咩機勒.
所以, 如果唔係必要, ISO 200/400就叫頂盡,
再高就算唔手震張相都唔會靚.
至於光圈, 如果你用既係DC,
乜你有得揀咩?
一般DC既光圈都係得三四級你揀,
所以如果你部係DC, 基本上都唔會有大影響.
如果你部係DSLR, 光圈就會變成控制景深同色彩既手法.
唔用閃燈計, 人像照片以F4至F2.8 為理想,
咁樣景深係距離主體大約一米既距離下,
可以明確咁將主體抽離背景,
如果影風景, 以F8為基本可以影到色彩豐富既風景相,
同時景深又唔會太淺令某O的景色唔得清.
不過, 當你使閃燈時, 光圈就要同支燈夾,
因為用閃燈曝光過度同唔夠係睇支燈既火力同埋光圈既配合, 唔關快門事.
另外, 如果快門實在太慢, 都會利用大O的既光圈至逹到快門加快既目的,
不過一般DC, 呢O的問題都唔到你考慮.
一般影相都會以光圈先決為曝光條件,
因為快門好多時都唔係重要因素.