✔ 最佳答案
你問佢點解唔離婚, 佢答唔知, 即係佢唔想離婚.講真, 係想離既已經離左, 或至少著手搞緊分居啦.
你問佢想唔想同你一齊, 佢又答唔知, 係因為佢知自己唔會離婚, 若佢答你想同你一齊, 就會顯得佢好自私, 而且亦驚你進一步逼佢離婚.
其實同已婚男人戀愛, 多數都係呢個結果, 因為男人大多自私, 想享齊人之福, 而且離婚會有好多顧慮, 唔係話離就離, 尤其若有仔女就更加多野煩.
如果你可以離得開佢, 去找另一個單身男人, 咁固然最好放手. 但若你真係好愛佢, 離不開佢, 咁你唯有接受呢個事實, 又或者試下咁諗, 如果佢今日可以好輕易為你呢個新歡放棄佢老婆, 即來亦會好易為另一個更新鮮既女人放棄你, 佢唔離婚可能代表佢係一個有良心, 有責任感既男人, 雖然咁樣講有點自我安慰, 但我都明白愛情好難用常理分對錯, 總之, 最緊要讓自己活得開心, 祝你快樂!!