✔ 最佳答案
香港所有銀行, 任何戶口都可以電匯去大陸
電匯手續費(匯去任何國家都應該一樣)大約 $150-$200, 如用中文匯要加錢
可以用港幣買人民幣, 現鈔每日限買RMB 6,000. 戶口每日限買RMB 20,000. (金管局規條)
如果每次都係匯去同一個戶口, 就可以用網上理財服務, 但第一次要先去銀行登記收款戶口資料同匯款銀碼上限(保安理由), 之後就可以隨時用網上理財.
匯港幣同美金都無特別限制,
如果匯人民幣, 就要留意以下事項(金管局規定):
1. 大部份銀行匯人民幣都有 cut-off 時間(我間 bank cut 2pm), 過時會下個工作天至處理
2. 每次銀碼有限制 (間間未必一樣, 我間 bank 限 RMB80,000)
3. 匯款同收款戶口要同名 (即係唔可以匯比第三者)
4. 好多銀行都要客人有人民幣戶口先可以做人民幣匯款
所以你個 case, 係唔可以匯人民幣, 只可用港幣或美金, 因此亦唔洗特登開人民幣戶口.
作為國內生意人, 佢都應該知道架啦...
轉賬就即係在同一間銀行由 A 戶口轉錢去 B 戶口, 係無手續費既.
但係如果 A 戶口同 B 戶口係唔同銀行, 就要用電匯.
就算係香港既中銀, 同大陸既中銀, 都唔算係同銀行, 其他同名既銀行都係咁, 所以唔可以做轉賬, 只可以做電匯.
參考: 我係銀行小職員...