經濟好轉,無錢炒股,如何脫貧?

要靠多方面的方法:
1.爭取民主:有了民主,人民才有權向政府表達脫貧的意見,在今次區議會選舉和立法會選舉(如你住在港島區)緊記要投泛民主派一票(不論是"4萬"或勞永樂)
2.貧窮人家的子女更要加倍努力讀書,反正貧窮人家沒有那麼多金錢作消遣,應有多些時間溫習沒錢去二手書店買二手參考書或問同學借.遇到學習上的難題可去非牟利機構的社區中心,這裡多數有甚低價錢(甚至免費)的功課輔導班.其實所謂"貼題名師"的補習社都是作大的.即使真的有"第二簫源"貼中題目,不但導致所學的學識不全面,而且將所謂的"名師筆記"背熟並在試場照抄,可能會不給分.另外,這些所謂"名師"生活奢華,這麼昂貴的補習費裡"名師"的利潤佔大多數.使得他們能夠買豪宅,買貴價名名牌.貧窮人家子女更不需向他們"所謂
名帥補貼他們的吃喝玩樂的費用.弄致貧富懸殊加劇.
3.不應以賭博,炒股票等等投機方式賺錢,不論各階層的大眾市民因此而債台高築凡事件已多不勝數.這個世界沒有不勞而獲的事,即使多麼辛苦和低薪水的工作也要積極地做 "我要做好呢份工"

咩係 貧 咩係富先?
係香港 攞綜援既家庭, 有些回到大陸包二奶都得.上面仲以為佢係富翁...... 又有d"道友"家庭, 生一堆小朋友攞好多綜援, 謀取盡政府d~~$$~~再去免費睇病, 取了藥再轉售比無良藥行 . 咁又一筆..分分鐘個手機新過你, 仲戴住個LV .....香港根本無可能餓死人. 除非那人連找人幫忙的勇氣都沒有啦.

香港咁多資助, 亦唔會無錢交學費, 肯讀一定有書讀. 話無錢讀都係讀得唔好既藉口姐. 家底背景比較窮的話, 讀書要讀d 能搵快錢既學系law, 例如: 經濟工管之類.唔可以空談理想

就算要投資 , 都係要學架, 比你有一億, 你唔識點用, 咪一樣可以輸到吊頸. 知識好重要, 就算無錢. 都可以去圖書館免費借啦. 香港在街頭行乞的, 大多係假乞衣.

如果你覺得有間豪宅先叫脫貧.........
高薪既工??要有幾高先?? 1萬?3萬?10幾萬? 然後呢? 當你有3萬一個月, 當你可以存2萬蚊, 25歲出黎工作, 做野做到65退休, 咁你有 12x2x40 = 960萬的積畜. 計埋養大一個bb仔要用既400萬......餘560萬, 都未夠買凱旋門或者貝沙灣3房2廳啦.

如果你真係識投資, 你根本唔使好多本金都可以. ...........

假設有一個人, 有好高既分析市況能力, 對股票這行頭知識豐富(靠看報紙和看書而來) , 又假設當年港交所上市時(當時2005年9 月27日 500股 一手 20幾蚊左右), 那人只有一份5千蚊既工, 每月存到500蚊, 之前存左兩年先有萬零蚊, 但係佢因為看好多書, 知道港交所一定賺錢, 佢將小量既積蓄 (萬零蚊) 訓身去經紀行做孖展(1:9 你出一萬 對方就9萬), 最後抽到一手, 8 個月後賺左3倍(2006年5月左右, 港交所#388 $$ 60幾蚊) 賣出. 如是者佢覺得好和味. 又繼續分析大市繼續借錢抽新股和賺錢.本金愈滾愈大........(純屬虛構故事, 但亦不是沒可能發生啊).............但前提係, 呢個人 要有好豐富既知識, 好努力咁研究, 而唔係好多好多既成本.

脫貧靠既係努力, 學問同膽量, 唔係單靠本金. 唔通要等有一日係條街撿到一百萬, 咁先可以開始投資? 唔通一定要有幾十萬去外國留學先叫有書讀咩?

機會永遠留比準備好既人, 上面的故事裡頭, 如果那人沒有用兩年存到那些錢, 機會到來, 他都把握不到啦. 希望你努力加油啦.

2007-09-30 16:01:17 補充：
咁咪去讀展翅計劃law, 再唔係你咪去做學徒law, 女仔可選美容, 第日自己出來開一檔law. 男仔更多選擇啦 , 可選建造業, 冷氣技工, 電力技工, 髮型屋洗頭, 跟車. 大把啦如果 你又要型, 又要貪好睇, 唔肯放下面子出黎捱,又要有好多錢, 又要唔讀書, 咁只有發夢時幫到你lu

讀Ive(有一技旁身)
沒錢--------借錢

2007-09-30 17:44:19 補充：
你懂得玩樂器嗎?懂得可教人玩樂器搵錢!