為什麼魚缸的水不用一天就變白了?

乜野情況下變白先？
如果你個缸係新開，第一缸水變白係正常過正常。
新缸要時間等濾水器中o既濾材養足夠o既硝化菌。缸一加水，水中o既細菌就會搵水／缸中o既有機物食同開始繁殖，因此好快就會睇得到水變得白濁，不過只要你開著濾水器，濾材中又有足夠生物環等硝化菌附著、繁殖，幾日至兩個禮拜（視乎個缸大小），不同品種細菌o既數量就會達到平衡，咁就見到水變清。你愈冇耐性，又諗唔通養菌須時o既道理，一見變濁就成缸換哂，咁就要由頭等過。
早排開左個九寸缸仔養原鬥魚，用水妖做過濾，一日就清返。o係等o既期間其實唔駛換水，要換都係四份一咁多好啦，仲要係除氯／隔夜後o既水，以免氯氣將菌殺死。活性炭就唔駛加架啦，濾水器有空氣，加ｄ生物環好過。

2007-10-01 01:07:09 補充：
水開始清就係加魚之時，但應該只加一兩條捱得又平o既魚，等佢地為細菌提供大小二便做食物。之後就逐少加魚啦。

因為你魚缸d菌未養定呀....
你有無濾水器? 你長開佢幾日, 唔好成日換新水, 唔好成日換綿花
如果換水每次換1/3, 綿花就間唔中用換出黎d水洗返.沁水器入面最好加d生物環, 活性炭等等.

水未定養魚都會易死d架.

同埋唔好一次過餵好多野比d魚食. 每次5分鐘內食完就ok...

because it got germs in your 魚缸,if u clean it will be better