關於 IPO & "可用結餘" of HSBC

不如我分享下我經hsbc買賣股票既經驗, 由於香港股票市場係用T+2的關係, 如你今日賣出A股票金額共$20000, 連埋你戶口原本的$5000, 你便共有$25000的本錢可即日再買股票; 可用結餘係你可動用, 真的能夠取出黎的錢, 帳面結餘則係你戶口還未能動用既錢, 既然你即日巳確定放了A股票, 放出來的錢當然可以即日再買其他股啊~否則個個都要等2日才能再買股票, 那末香港每個人都要有好多好多錢才能買賣多隻股票?!?!?
這個制度不論香港那一間銀行或證券行都是這樣做, 以你個問題為例, 你的帳面結餘應該係B, 仲有$5000可用結餘, 只要過多2日, 因你之前買了$15000股票, 可用結餘就會變成$10000了(通常2日後早上便會過數俾返你)
關於新股抽籤方面, 背後係無黑幕既, 銀行既做法係當佢地獲得某一數量既股份分配quota後, 就會再按你申請既股數, 再randomly分派俾投資者, 所以呢d真係要睇你既彩數, 我好多次經hsbc都抽唔中, 因此到後期我抽新股全用白表或eipo, 中既機會即時高好多(一用白表抽, 即中3993, 811等), 一來抽唔中唔洗收手續費, 2來中既機會又高d, 加上中了新股後, 亦可經證券行即日存入再賣出(我用既係周生生證券行, 即日可放出, 但要14日後才能拿到錢)~所以都幾方便
希望以上資料可以幫到你
圖片參考：http://hk.yimg.com/i/icon/16/3.gif

其實都唔係你黑仔既，我哥有個朋友，不論係抽白表定係經銀行抽，都未抽中過，我諗佢真係大大話話抽過廿幾三十次。

你第二個問題，我唔肯定係咪間間銀行都一樣，但我曾經都有過哩個疑問，所以我真係去過銀行搵職員黎問，個職員答我係先用左帳面金額黎買，唔夠既先會用埋可用結餘。

我都係用 hsbc, but 我都有一半抽中過, 我身邊的朋友及同事同其他銀行都有抽中過, 機會率應該一樣, 我諗純粹係運氣問題...可能你真係黑仔!

關於HSBC嘅"可用結餘":

答: 放當日, 無錯賬面結餘會係二萬五, but 二萬仍會在股票戶口, 五千會在你儲蓄戶口, 而果二萬最快要等兩日半才會入返去儲蓄戶口, 所以不能賣貨后即日再買, 因為戶口只有五千, 你唔會有錢買一萬五千的股票, 除非你自己再入錢入戶口!!.............銀行只會用"可用結餘", 即係果五千蚊!!!