酒店工作一問...20點

酒店有好多唔同部門，你喺邊個部門返工，就做嗰個部門嘅野，好難一概而論。只可以話，酒店通常你入職係嗰個部門，就之後都係嗰個部門。唔似得出面好多公司，做幾個月又無情情叫你轉部門，酒店呢種情況會少好多。

酒店好少12小時輪更，多數都係8.5-10 HRS一更。至於OT，一般唔會太多，雖然而家大部份酒店都縮皮，但喺OT問題上仍比好多行業(如超市)對員工好好多。但要留意酒店(尤其前線員工)，通常一星期只有一日假，唔興乜野5個工作天、5日半或長短週之類。

至於會唔會室驚無神要你開工，或冇假放，會的，但唔多，而且都會係合理嘅突發情況。例如，原本陣間要返工嘅嗰位同事突然告病假，冇人返嗰更會影響酒店運作，於是你上司情商你返嚟，你如果有責任心，都應該會肯。而且最重要是事後一定會有補假俾番你，你唔會吃虧。

酒店人工方面在香港各行業中是偏高的，例如你在百貨公司做接線生，最多6，7千，但酒店接線生一定過萬，當然工作難度同壓力大好多。

酒店當然係識得語言越多越好，就算你唔係，最起碼也要英文好掂先得。

至於做酒店最為人詬病嘅係壓力大同受氣。管束好多，尤其唔好俾客COMPLAINT。做酒店就好似踢波做守門員，你要保證任何時候都唔好犯錯，就算有一百個客讚你，只要有一個客COMPLAINT你，你都可以接警告信同俾人鬧。酒店上司嘅作風，唔似得現在好多公司嘅上司咁，喜歡巡巡善誘，慢慢指導，唔會HURT到你嘅自尊。酒店嘅人係你一唔啱就閙。有時出左事，其他部門嘅人亦會走埋嚟閙你，因為佢要做到個勢係你做錯，咁佢就可以將隻鑊卸落你度，如果你係老實人，會覺得好難受。

因此酒店係各行業中出左名人事好複雜，工作壓力好大嘅，如果你冇做開，而本身自尊心又強嘅，我勸你都係唔好入行，因為會唔適會你。

1. 其實酒店有好多個部門...好似前堂部,,房務部,,account,,餐飲,,維修,,保安咁!!
2. 唔一定係12小時ge!!不過隨時做做下野叫你ot咁姐...大多都係8-9.5....如果計埋落場個d就可能會係12個鍾一日!!!
3. 大假就一定會有得俾你放...如果你係長工的話...你要同先個個super講!!
4. 最好就梗係識多d語言la...不過最主要都係英文叻!!
5. 如果你好捱得又好受得氣ge話...就可以去酒店到做ge,,不過相反唔係ge..咁就最好唔好做la!!有得揀都唔好做酒店la!!
6. 如果女仔想係酒店發展最好就係sales la!~男仔就餐飲la!!
7. 人工方面....3星 7000-8000 la!!4星8000-9500!!5星10000-15000架la!!