yoki sir 請分析

新時代集團（１６６），雖然此股跌至現水平，再大跌的機會唔大，但以該公司的基本因素而論，唔知有什麼可以憧憬，加上很多機構性投資者都是不斷減持，看似此股都是浪費時間，建議換馬！

如果買一隻股票，公司又冇錢賺，又咁多大孖沙減持，亦看唔出點樣有景及突出，也有很多股票好過佢，為何仲要持有浪費時間？

安德利果汁（８２５９），現價很偏低，看股價好像是唔郁，但細心看是靜靜起革命，近似股海升果汁（３５９），絕大部份時間都是跑輸比安德利果汁（８２５９），近日海升果汁（３５９）連日急升，不排除安德利果汁（８２５９）會再發力．

在上一個交易日，安德利果汁（８２５９）已有動靜，陰陽燭亦看出有向上突破之走勢，最重要的是成交已比先前幾日多左好多，小心莊家收夠貨發難！

此股因派紅股關係，５５％貨源已被凍結，加上持有５％需要披露的機構投資者共有八個，已合共持有該股近９成的股票．因此，此股按理是十分之貨疏，本人估計流通在市場上炒作的股份，現時大概只有５千萬左右，近日已收貨多日，大利市機所見，除淨後是有很多沽盤放在＄０．７３的位置，但這些貨永遠都是得過擺字，＄０．７１的位置又大排長龍，淨番一個卡窿入貨位，常常畀人暗掃！通常這些情況都是有心人收貨的跡象，要隻股唔上唔落！不排除＄０．７１及＄０．７３的買家及賣家同時同一邦人．９：３０一早就〔牙〕住晒啲位！

證供最吻合的是，先前兩日未開始升時，是先跌你一跌，嚇你一驚，仲要跌穿＄０．７的所謂支持位，完全符合很多股票開車前要〔吞〕一〔吞〕，震一震的格局．

阻力位＄０．７３及＄０．７４已先後克服，如上破＄０．７５的重要阻力位，好大機會升勢會突然轉急！此股現時是好人為性地被壓低，如按基本因素，此股爆發力可以好大！

另外，你入安德利（８２５９）的價位，應該是除淨左，即是話你是冇紅股分！

至於舜宇光學（２３８２），現時未見有任何動靜會炒這類股，股價走勢亦牛皮偏淡，大跌不似，但足以悶死你及浪費你的機會成本，建議你換馬至安德利果汁（８２５９），因為安德利果汁（８２５９）已有異動，如果淡友守不住＄０．７５，好友就會長驅直進！現價博破位，甚有值博率！

YOKI WONG
圖片參考：http://hk.yimg.com/i/icon/16/1.gif