✔ 最佳答案
浴室天花頂嚴重剝落, 是否樓上厠所滲漏所做成, 如果是滲漏導致鋼根生銹迫爆天花石屎, 首先要同樓上住户反映你浴室的現况, 請該户主找師傅維修, 若天花不停滲漏你做セ嘢去修飾都冇用, 反而危險性重高, 因為你用鋁質天花封咗個位, 睇唔到天花板的剝落同變化, 成幅跌咗落嚟都唔知, 重會整爛個天花及傷到人. 我大厦頂層住户就這樣中咗招, 因天台滲水導致天花大幅剝落,壓爛 成個鋁質天花, 冧咗落大廳, 好彩冇傷人, 之前我都有提點佢, 但.......
如果滲漏冇咗, 揾泥水師傅將天花鬆脫的石屎批盪清走, 生銹鋼根除銹, 油防銹油, 再做英泥沙批盪, 如果你做鋁質天花可以唔做冼灰油油, 鋁質天花寬度分 8, 10, 12 吋 每件長約 8 呎, 長條形方便方裝, 價錢不定, 因寬度越大價錢越貴, 白色較平, 有色較貴, 如你所述 6x5 呎連配牆身角條「承托天花板用」一般約 $500 - 700. 我住港島區, 荃灣區有條街專買建材, 我搭綠Van 去玄圓學苑經過, 詳細地址未能提供, 抱歉抱歉 !祝好運. 希望幫到你!