傳道方式問題?

和基督教掙人? 你估係地產經紀爭客咩? 定係議員辦事處拉人來簽抗議信呀? 定係法輪功擺展覽板, 拉人入會呀?
在下教書既經驗, 學生唔想學, 你夾硬迫佢學野, 係事倍功半. 但係你激起佢既興趣, 當佢想知多d既時候, 給予適當既引導同支援, 就事半功倍啦. 強銷係冇用架, 係街度見到人揸住d單張, 拉住途人滔滔不絕, 我見到多數會閃開, 尤其是個d成日講末日論, 恐嚇式個種, 真係好反感. 在下覺得信仰應該由心靈既感動開始, 改變人既生命, 唔係講究薄利多銷, 鬥廣告技倆.
我唔敢話天主教唔會係街上傳道, 相信只係冇基督教咁人多勢眾, 咁顯眼. 在下既堂區每年聖誕節會係公園唱詩報佳音, 亦有聖體/聖母像遊行, 沿途唸經和唱詩. 不過都係特別節日, 不是每天咁做.
至於點解唔擺地攤, 我諗天主教全職和義工服務的人都忙著為服務對象工作, 除左堂區, 學校, 仲有醫院, 院舍等各有崗位, 有d跟著修女派飯比露宿者, 有d跟埋神父去監獄探人, 可能唔係條大街之上, 你睇唔到佢地.
其他教友有無諗住由呢d途徑來達到傳教的目的, 老實講我唔知. 在下就從來冇故意嘗試帶呢d服務對象入教, 而純係為左幫助有需要既人而做. 在下咁諗: 如果對方覺得教友們係[好人], 心中有平安喜樂, 信教可以令人變成[好人], 心境平和, 已經成功左一半. 至於對方幾時想join埋我地, 我會等天主感召佢, 當佢有興趣, 主動問到有關信仰既話, 我一定會盡力幫佢, 或者介紹佢返教會.
或者時代真係改變左, 天主教亦應該爭取多d曝光率, 應該主動一d. 但係主動既同時, 在下唔希望見到會籍傳銷式既傳教手法, 或者淪為比顧客投訴貨不對辦既教會. 點樣走入群眾, 天主教真係要諗下新橋啦.
---
課後討論:
1. 唔知我係知識+呢度發言, 會唔會比人地覺得我傳教呢?
2. 個d係天主教板日日發表重覆剪貼的文字責備天主教的人仕, 你會唔會欣賞佢地傳教既熱誠? 誠意重要d, 定係曝光率重要d?

等等等,等到今年過年就32歲，男朋友連影子都沒,
我個性內向,想透過未婚聯誼認識對象,我是朋友推薦,來到桃園紅娘李姐,
對女生頗為照顧的,很快就讓認識不錯異性.

基督教在街上傳道，數目似乎不及摩門教多，難道你因此又說基督教怕和摩門教爭人嗎？
天主教一向注重興辦慈善教育事業，以自己的基督徒榜樣吸引未信的人，令他們主動去詢問。近年來亦積極舉行佈道會（傳教主日／傳教節）及各種福傳活動，以及邀請信友將福音主動介紹給未信的親友，所有方式都會有回報，未必在街上傳道就會有最佳的回報。
反而，我聽回來的個案，就像賣旗和宣傳法輪功一樣，好多人見到有人在街頭傳道，都會敬而遠之，因為大家之間唔相唔識，基本上未做破冰，就好難建立關係，反而令人對道理產生反感，提起講耶穌就怕怕，未免弄巧成拙了。
其實天主教亦有在街頭福傳的訓練，我們在各區搞佈道大會時，例如聖誕節報佳音，好多時都會有人負責街頭福傳，而唔係完全不在街上進行福傳活動，不過就要揀時機，令過路人減少戒心，增加成功機會。