✔ 最佳答案
1)因為其實燃燒煤氣係需要混合空氣先燃燒到嘅,就算一間房充滿煤氣點火都唔會爆炸.只有煤氣同氧嘅嘅含量達一定比例,先會發生爆炸.
所以燃點本生燈嘅時候如果開住氣孔,咁喺點火之前空氣就己經同氧氣混合咗,係可以燃燒嘅.當你點火嘅時候,就會即時點着.不過係向管內嘅出氣口燃燒,面係見唔到有火焰.不過如果你由氣孔望入去,就會見到一條藍色嘅火.但係咁樣做係極之危險,因為外面見唔到有火,但係啲火喺本生燈裏面燒,所以支本生燈會好熱,唔小心掂到就會受傷.
2)本生燈要放喺防火墊上面,係因為雖然火係越近火舌尖就越高溫,但係本生燈底都有一定溫度(就算唔令人受傷),一般實驗定嘅枱面都係防火嘅,理論上唔會有問題.但係嗰啲枱面防火膠都會受熱膨脹,所以唔用防火墊會令枱面對面"卜"起
另外,加熱實驗有時會令化學物濺出,有防火墊可以減少化學物彈落枱,減低人受傷嘅機會.