開銀行戶口

持香港身份證人士係可以係國內開銀行戶口既，不過，係用回鄉卡黎開戶口，唔係用身份證黎開既。
佢點都要求你報個國內地址既，不過唔駛俾住址證明，你求其報個親戚朋友地址都得架。
無咩手續同資料要俾既，記得帶張回證卡去就得。
間間銀行都差不多，中行就特別多人排隊既；建行就要戶口有某個額，先會開埋個存摺簿俾你，唔係就淨得張提款卡；招行既目標客係d中產，但少d分行；工行都多人用，而且分行都幾多；其他個d就唔太清楚囉。
睇下你用唔用埋佢個e-banking。中行個個e-banking完全係廢既，無佢銀行既信用卡既客，晚上8點後到第二朝6點login入e-banking，淨係可以睇到個戶口結餘，但交易記錄就唔睇得，而且，中行個e-banking連轉帳都無既。
相比之下，建行個e-banking就好好多囉。
招行個e-banking都唔錯，佢個網有24小時online查詢，即刻有人回覆既。