懷孕後，何時飲牛骨湯？

我而家都38週了, 我記得大約在5個月時, 我奶奶開始會煲D牛骨, 牛尾湯比我飲, 通常會煲什菜既, 但我唔算係飲左好多次, 因為我唔係成日返去奶奶度! 而我媽咪會煲豬骨多D, 因為我留下個街市唔係咁大, 無唔到新鮮年骨(因為得一擋, 我唸佢D肉係交來既, 只交肉, 無骨買!), 佢唔想用雪藏, 所以煲豬骨多, 佢話都係一樣!
但其實我覺得返而食鈣片比較重要D, D人話飲牛骨/豬骨湯, 都係想吸收更多鈣質, 但其實如果單靠湯水來吸收唔係咁足夠啊! 因為以前D人無話會識得食鈣片架麻, 所以會飲骨湯囉! 舉個例子吖! 我有同事個肚比我大兩個月, 而佢係全政府覆診, 無話去私家覆診既, 而我就兩邊覆, 所以我由個肚約4個月度, 醫生就開始開鈣片&維他命比我日日食了, 而我同事因為只在政府覆診, 政府無開鈣片比佢食, 所以佢一直都無食鈣片, 而佢每日都飲兩支鮮奶, 比我還多一支啊! 不過佢有個問題, 就係成日抽筋, 有時一星期抽成3-4次, 但我就好小, 到而家維止, 我只抽過4次, 因為我知道抽筋同缺鈣係有好大既關係, 所以我就建議我同事不如試下食鈣片補補鈣, 睇下情況會唔會好D, 我同事食左鈣片一星期後, 真係再無成日抽筋喎, 佢都話好WORK喎! 所以我覺得反而食鈣片緊要D囉! 因為BB其實在4個月度開始骨骼生長, 會吸收媽媽好多鈣質, 如果媽媽唔補鈣, 就好容易缺鈣而出現抽筋情況, 所以一定要補鈣呀!
而牛奶一樣要飲啊! 因為除左鈣質佢仲有好多營養, 都係不可缺架!

其實骨湯幾時飲都問題不大,你放心喇.
不過飲牛奶 或 食鈣片所取既營養係多過骨湯架. 你可以用番茄, 薯仔來煲, 只係將牛骨代替了豬骨.
祝 健康