如何戎賭?

那就要看你沉迷的是那一種賭博了,不過通常好賭的人,慢慢會無賭不歡的.

第一招,經濟封鎖,冇錢,又點賭呢?但對欠下巨債的人,要小心他們會借$or 用信用卡財務等方法籌旗搏殺......

第二招,讓他明白除了賭以外,還有很多有意義的事情,如上一位回答者所說的云云.

第3招,令佢遠離所有用賭博有關的知識,如馬會資訊等(主要針對足球和賽馬方面),馬會網頁

第4招,用愛去感動佢地,使佢地明白身邊還有愛自己關心自己的人,因為好賭的人其實很多都源於空虛or想贏錢來證明自己.

第5招,令佢地明白就算佢點叻都好,都唔夠莊家來的,其實所有賭仔都明白,就算贏過都好,長計都係奉獻.不要批評佢地,因為會適得其反,勸佢咁有才智,不如放係其他地方,令佢得到肯定.

第6招,威嚇~~呢招通常用於銷售,但其實想人唔賭,就係sell佢唔好賭!同佢分析番個風險,究竟佢值唔值得去冒呢個風險?電視廣告就成日用,好似馬會門口貼住果張「don't gamble your life away」的poster,又有個將6合彩d波波上面寫住學業,家庭,前途呢d,當然果張野永遠都唔夠其他野搶眼.

第7招,如果真係冇哂計,可以試下退而求其次,凡事都係一步步來,可以令佢賭小d,反正都係貪過引,其實場場10蚊都得嫁姐,叫唔到佢唔賭,就有節制咁玩囉,但咁樣比較花時間,要陪住佢.

第8招,對住窮途末路的賭徒,佢地的心態就是點都係死,搏一搏可能有出路,對住呢類爛賭一族,一般的人未必能handle,什至會講錯野激嬲佢地加速佢地進行「終極一戰」.......其實要令佢地知道,事情未必真的沒出路的,要細心想想如何幫佢地解決問題的可行方法,如果唔明可以搵有經驗的人幫手(但千祈唔好搵教會果d,我以前試過refer人去.......).


說到尾,能令賭徒回頭的,就只有愛.

2007-09-30 15:30:36 補充：
工福只會叫你分享同埋叫你祈禱,佢地俾的可行方法就係求人,如果俾人斬就去佢度住.同埋仲會有米糧俾你拿番屋企(每人限100蚊,一生一次).佢地會話個賭仔未到窮途末路,債主上門都唔識驚的.

同圍同人講你戎賭，要有身邊人嘅支持鼓勵同監管，對家人要坦誠。限住自己一日有幾多錢响身用嚟食飯搭車，仲有自己嘅意志力，寫低睹嘅壞處大大隻字貼响屋企警摥自己。

循道衛理中心
戒賭輔導熱線 : 2520 4933
(星期一至六上午十時至下午六時，其餘時間錄音服務)

工業福音團契
問題賭徒復康中心
戒賭熱線 2748 7207
(專人接聽，服務時間:
星期一至五上午9:30至晚上9:30)

錫安社會服務處
戒賭輔導熱線 : 2344 8989
(專人接聽，服務時間 : 星期一至六上午十時至晚上九時半)

找另一樣野寄託 eg:打機 拍拖