我想開個股票戶口,係銀行開定證卷行開好?

如果你想用銀行做買賣股票的話, 手續費真係低極有限, 反而證券行的平價收費才會吸引大部份投資者及散戶. 據我所知, 香港極大部份提供股票買賣既銀行都會收倉租, 如中銀及東亞每半年收$100, HSBC及恆生每半年收$150(中信嘉華銀行係免收倉, 但佣金及其他收費則相對較貴), 其實大部份銀行收既費用都差不多, 所以彼此銀行唯有以服務及落盤快捷的程度作比較, 以本人的經驗所得(全部以網上股票買賣):
1) HSBC的服務會較中銀, 東亞, 大新等的銀行較好, 網上落盤速度比中銀較快(中銀每逢大跌市或大升市時都必定log-in不到入證券戶口!!!), 但中銀免費報價既interface則較HSBC好好多, 會有最近5筆成功交易既買賣資料, 各基金或經紀佬買賣盤顯示, 以及即市圖等;
2) HSBC及恆生每次交易的佣金收費為0.25%或最低收費為$100(以較高者為先), 中銀及東亞的佣金收費則為0.25%或最低收費為$80(以較高者為先)
3) 還有, 銀行還會每次收你一些額外的費用, 如每次買股票存入時, 會每隻股票收取存入股票費用$5(最低消費$30), 另外如上面所講每半年的存倉費, 但經證券行買賣的, 大部份一律免卻以上的額外收費, 像證券行中最平佣金的致富, 最低手續費只需$38(網上買賣), 所以你可以考慮清楚, 好似我經銀行買入一些長keep的股票, 炒短線或即日鮮的股票則經證券行, 這樣會較為安全及化算
4) 銀行跟證券行的抽新股程序都差不多(即黃表), 銀行可以簡單d係網上click幾click就攪掂, 證券行則要打電話同職員登記, 錢則可在你的投資戶口內扣除; 至於抽到後股票會自動存入你的證券戶口, 沽售的方法亦大致一樣, 可於網上俾價位指示等便可沽出, 經證券行或銀行網上抽新股係可以在新股上市當日即日賣出; 但如果你用的是白表, 抽到後要把實物股票存入你的投資戶口14日後才能沽出(銀行要14天, 證券行則可以即日經電話或經紀沽售, 不過筆錢要14日後才能回返俾你, 因我都試過)
希望以上資料幫到你
圖片參考：http://hk.yimg.com/i/icon/16/3.gif

To Sunny

那有甚麼好介紹?

千祈唔好去中銀開戶口.因為抽到新股存入後要兩個禮拜至可以放.坦白講,新股頭10日8日最靚價,兩個禮拜後都唔同哂樣!激死人.佢班職員重話以前優惠比客才可即放,好似皇恩浩蕩,但出面流行即放,已好普遍,佢就當優惠比人,實在out.
入貨實貨還先收35蚊.你估真係無佢唔得咩!
各位為免失預算,去唔去中銀做沽出實貨,一定要三思!