買一隻黃金倉鼠。

A.仔細既養法好難去講,始終四千字都絕對唔夠講,詳情可參考以下我回答既知識,因為太多野需要回答,再在此回答,就絕對唔夠位答晒所有問題,所以煩請參考以下我回答既知識
http://hk.knowledge.yahoo.com/question/?qid=7007052704222

另外,養倉鼠前需要考慮一下以下幾點:(睇到你話買一隻,但都想長氣地講下頭幾點所講既一籠一鼠原因)
1)倉鼠天生根本就係獨居動物,根本唔適合群居,就算兄弟姊妹,都一樣可以打到死晒.睇書知道,外國既鼠鼠繁殖場都係一籠放一隻鼠,到發情期先放埋一齊一陣既.
2)鼠鼠既繁殖速度好快,而且繁殖鼠鼠有好多問題(例如鼠媽媽有機會會食bb,bb未戒奶就打交但又唔分開得),就算樣樣都解決到,都會令鼠鼠既生活質素下降,鼠媽媽生育後壽命又會縮短(甚至難產),好多隻鼠又會有第d問題,所以真係唔好俾鼠鼠生bb呢.
3)可能你會話鼠店既鼠咁多隻一齊都冇事,但鼠店既鼠仲好細,所以唔會打得好犀利,而且你睇到鼠店既鼠既時間都未到深夜,唔係鼠鼠最活躍既時候,所以未必俾你見到有咩問題.但我曾經見過,鼠店一堆鼠入面,有隻鼠已經得返d白骨…所以鼠店講既野,,唔好盡信,鼠店有鼠死左都唔會俾客人知呢.
4) 就算兩隻鼠初初唔打交,其實之後都好易再打,特別係鼠鼠夜晚活動既多,半夜打起上唻,你又唔知既時候,仲危險.我細個既時候都試過覺得2隻鼠好似好fd咁放埋一齊,同一胎,我出去一陣返唻就打死晒啦.
5)可能會諗鼠鼠會怕悶,但其實鼠鼠天生獨來獨往,只要有足夠既空間同運動(一個轉輪都ok啦),鼠鼠就唔會悶.
6)要考慮清楚係咪可以照顧鼠鼠一世,唔會因為鼠鼠大隻左而嫌棄.
7)得到家人同意去養
8)預算好養鼠既費用

B.如果可以一籠一鼠既話,其實養男定女並冇所謂
男仔我覺得會乖d我一直大部份鼠都係男仔唻既)又少左子宮出現問題,不過一隻生活,冇交配同生bb,子宮患病既機會都會少好多
而分泌既氣味唻講,我覺得真係男鼠勁好多,老左仲勁,我本身有嚴重既鼻敏感,冇咩嗅覺,但都會覺得幾臭下
多數女鼠愈唻愈惡,男鼠則相反,但只要唔係生過BB,唔係有病,唔係一籠多鼠,尊重鼠鼠,同鼠鼠熟既話,其實鼠鼠都唔會好惡

肥既話,其實你亂俾零食俾鼠鼠,男女都一定肥,只要只俾主糧,一隻鼠獨立生活,有轉輪,咁鼠鼠就唔易肥了,肥胖係好易透發疾病既

C.養咩品種其實好睇個人喜好,特別係只養一隻,真係咩品種都冇咩所謂,一隻生活既鼠,我既經驗唻講,多數都會較乖同長命得多(其實我既經驗唻講,係100%長命好多)

(以下有本人鼠相,請尊重版權,請勿copy,謝謝!)
1.熊仔鼠
熊仔鼠係我最喜愛既鼠,一般係最乖最馴,但體型係常見寵物鼠入面最大隻,所以唔太多人鍾意,熊仔鼠最大隻既時候,大約可以去到15-18cm,3-8安士.熊仔鼠一般都係2-3年命,不過我就試過4年左右
毛色有好多款,主要係金毛先係正宗

養熊仔鼠,有幾點要留意既:
1)倉鼠本身係獨居動物,而熊仔鼠比其他品種既鼠更早會攻擊同類,所以買既時候要檢查清楚有冇受傷.雖然買咩鼠都要睇真d,但熊仔鼠係打得特別勁既,連寵物度都好難話一個地方放好多隻.放到都受傷不淺,之前我去買熊仔鼠就見到好多好多都係咁.
2) 因為熊仔鼠好大隻,所以所需空間都比較大,空間太小會令鼠鼠有壓力既.而轉輪都要大d,唔係大左就玩唔到架啦.
3)有d人會覺得細隻既鼠得意d,隻鼠大大下就會冇咁鍾意,所以要諗清楚係咪真係鍾意大大隻既熊仔鼠.
4)熊仔鼠我覺得係最怕人既,我一向都係養熊仔鼠多,有時熊仔鼠既牙掂到我,佢都會即時彈開.熊仔鼠咁細膽,所以佢驚你既時候就唔好勉強佢,但我覺得都好快熟到既

圖片參考：http://i176.photobucket.com/albums/w162/kelvin320/070723-1.jpg

(圖中左耳你會見到佢冇左一部份,係佢未戒奶時俾佢姊妹打到咁既)

2.小紫王
小紫王係我第二喜愛既鼠,都好乖,過去我養既歷史中咬過我一次左右

背既毛色主要係紫紫地灰灰地,比小灰霸淡色一d,而肚係白色,在香港常見既寵物倉鼠中體型屬於中等,壽命大約2年.性格溫純,身長約7-10cm,重1.2-1.75安士,尾長0.8cm左右


圖片參考：http://i176.photobucket.com/albums/w162/kelvin320/070612-1.jpg


圖片參考：http://i176.photobucket.com/albums/w162/kelvin320/070612-3.jpg


3.小露寶(我養既當年並冇數碼相機,所以未能提供照片,抱歉!)

小露寶係最細既倉鼠,細到可以得4,5cm至到9cm,重1-1.4安士左右,壽命大約2年,係最快,最細,而又幾細膽既品種,個性好溫馴,好少會咬人

倉鼠本身都係逃走專家,但小露寶行動最快,所以要加倍小心,唔係好易就會俾佢走左去,所以最初係幾難去同小露寶做朋友

小露寶毛色啡啡地白白地,眼對上有d白色既毛,所以台灣人就稱小露寶做老公公鼠

2007-09-29 06:35:51 補充：
其實唔係冇回答,係B點所講既咁,男定女主要要睇返你既個人喜好,男女分別我文中有講,再睇返你自己鍾意D咩再去揀,呢D好難話我講你應該買男定女既,個個人鍾意既野都唔同架嗎,係咪?黃金鼠(熊仔鼠)約$80-150都見過而珍珠我都唔多覺有,但我就唔太喜歡,紅眼睛既鼠即係白化鼠,係因為基因問題先咁,基因有問題既鼠有機會會較短命,甚至一出生就夭折,所以一般較特別既鼠,都較少會有市面見到如果你想買某一品種既鼠,又唔係好常見既,其實係可以打去鼠店問下有冇先去,咁就唔洗周圍去搵

2007-09-29 19:10:51 補充：
如果個名只係話珍珠,就係全身純白色,即係白化鼠,白化鼠一定係紅眼,因為係少左黑色色素,但有d鼠店會叫小銀弧做珍珠色銀弧,唔知你會唔會指第隻呢?較特別花紋同顏色的確係十分少見,有d鼠店就算有,都唔係常入貨,如果真係咁一定要要難有既品種,或者可以打去鼠店講低,話有該品種時回電俾你,不過要留意,好多鼠店有都冇左件事,所以要試多幾間呢

2007-09-29 19:14:58 補充：
我就唔太覺女鼠會跑得快d,但如果老左既時候,男女比較既話,女鼠就會快d,因為男鼠老左會更加更加溫馴,但講真,老左既鼠,快極有限呢我覺得跑得快慢,主要睇返隻鼠既品種及個性,愈活潑既鼠跑得愈快,但你嚇親鼠鼠,又或一籠多鼠,鼠鼠都會跑得快,有第隻鼠在場,要打交,要保護自己,唔快點得?

男仔係愈養愈臭,我有一隻男仔臭死(小灰霸[男])
但一隻女仔(銀狐[女])跑得好快==
(買女仔生bb的)(買男臭d,但可愛d)我個人說買男仔

旺角金魚街有得買(好多好多倉鼠)

　倉鼠一般的壽命約3年. 牠們是獨居性的動物, 除了在交配期外, 多數都不喜歡跟同類住在一起, 若把兩隻同性或不同性別的倉鼠放在一籠, 雙方都有機會打起架來, 甚至會把對方咬死才罷休. 所以養倉鼠最好是單獨飼養的.
倉鼠的繁殖率很高, 牠們的懷孕期大約十六至二十天, 每胎可生6-8隻 (但黃金倉鼠可生8-11隻一胎) 生下來之倉鼠幼兒是粉紅色的, 沒有毛, 而且未開眼, 此時切勿觸摸幼兒, 否則倉鼠媽咪因緊張之下會吃掉幼兒.


如何飼養

　　倉鼠其實是雜食性的動物, 除了穀類還吃昆蟲, 但現在多數人都只用穀類的飼料來餵飼, 也無不可. 倉鼠特別喜歡跑步, 在籠子內放上一個轉輪, 牠們便會很高興的跑足數小時也不疲倦. 雖然牠們渴水不多, 但每天在水樽內也要有足夠的水給牠們飲用. 倉鼠什麼都愛吃, 腸胃也十分好, 但一些新鮮的蔬菜, 生果就不要多給, 以防止引至腹瀉. 一些黏性強的食物或太甜的食物如朱古力可引至蛀牙, 不應用來餵飼.
　　由於體形細小, 故靈巧非常, 逃跑技術一流, 喜歡咬破任何防礙牠的東西. 若養牠們的籠子不夠堅固, 很容易給牠們咬破逃跑. 籠子主要分為膠箱及鐵網型,只要不容易使牠們逃脫便可以了.
　　牠們頗愛清潔, 會不時像貓一樣自行替自己舐淨全身, 若購買些乾洗粉也可幫助牠們自己清潔. 別用龍貓仔沖涼的礦物粉來給倉鼠沖涼, 因為倉鼠雖然有時會把造些粉當沙來玩或翻滾, 但那些粉對倉鼠是沒有清潔效用的.



倉鼠之特性

　　倉鼠是沙漠地帶的動物, 有時候在覓食的時候可能要離開自己的巢穴數哩之外, 所以牠們喜歡把食物藏在兩腮之內, 既可保持新鮮又可收藏多一點食物, 然後回家後才吐出, 好好儲糧, 可能因而"存倉"的習性而得倉鼠之名.
牠們習慣晝伏夜出, 晚上比較活潑好動


種類:倉鼠的種類雖然有十六種，但適合作為寵物的主要有以下幾種：
黃金倉鼠(Golden Hamster):長十八厘米，原產於敘利亞。
俄羅斯倉鼠(Russian Hamster):長九厘米，背部有一條長黑紋，原產於俄羅斯。
中國倉鼠(Chinese Hamster):長十二點五厘米，原產於中國北部。
西伯利亞倉鼠(Siberian Hamster):外形大小跟俄羅斯倉鼠非常相似，只是冬天時毛色會轉為白色。
蒙古倉鼠(Roborovsky Hamster):背部沒有斑紋，其耳朵比俄羅斯倉鼠的較圓，腳較長。原產於蒙古文名「小露寶」。
毛色:倉鼠共有三十二種顏色及毛質，包括:白化紅眼(Albino)、黑色(Black)、朱古力色(Chocolate)、金色(Blonde)、忌廉色(Cream)、蜜糖色(Honey)、黃色(Yellow)、斑點色(Spotted)及白間條色(White Banded)等等。

毛質:而倉鼠的毛質有分短毛(Rex Coat)、絲絨(Satin Coat)及長毛(Angora Orlong Haired Coat)。

小惡霸:倉鼠的性格跟其品種有很大關係。黃金倉鼠喜歡獨居(除了在交配期)，牠們都有機會打起架來，甚至打死對方。相反其他種類的倉鼠卻是屬群體性的，甚至兩隻同性別的放在一起，牠們相容的程度亦很大。

如何購買倉鼠

選擇倉鼠的時候,最好選一隻較活躍的，當然睡著的當然不算數。而我們不應該意地弄醒一隻正睡著的倉鼠，因為牠會以為有人襲擊牠而本能地轉身咬人。

對於有陌生人，倉鼠都會表現得非常警覺，甚至不願被人抱起。這し竟時你應該請店員替你抱合眼緣的倉鼠，然後看看牠的眼睛是否尚尚有神，毛質是否平均、柔順。要辨別雌、雄倉鼠最好請教有經驗的店，員養但有時可能因倉鼠的年紀太小而分辨不出來也說不定。最後再檢查牠近且門的地方，看看牠有沒有腹瀉的現象，以及檢查其大便是否正常；正常的倉鼠大便是呈粒狀、乾而且硬的。