✔ 最佳答案
其實去到邊都冇話唔可以買,只係要睇你承擔風險既能力。大市急升至此處,毫無像樣調整及回吐,但幸而資金仍然充足,但想投資既人就唔會依家去買,就係驚緊你驚果樣野,所以投資者都係要等候低位再買,然後擺番幾個月唔郁。
如果你真係想搏下,不妨短炒,賺少少就鬆人,咁就會穩陣D,但要經常考驗自己既判斷力。依家都有唔少人第一日買,第二日放,甚至即日鮮,但都係果句,你依家買得,就要有佢會跌既心理準備。
其實如果你咁擔心,不如唔好買,以不變應萬變。其實眼見大市升,你冇買,固然唔開心,但賺錢機會時時有,與其搏一鋪,不如等多陣,搵個好既入市位,起碼自己有信心,同埋冇咩風險,分分鐘仲好過依家入市搏,萬一大跌就要面對好多抉擇,自己又煩,又要蝕錢,何苦冒呢D險?
睇番利淡因素,相信內地銀監會同人行好快會聯手出招打壓樓市,內地大回調機會不少,屆時可能會幫助恆指降溫,到時就可以入市,搏下上3萬點囉~
**希望發問者能盡責,選出心中的最佳者,以免浪費好答案和作答者的心血。
2007-09-28 18:23:59 補充:
因為現時中國內地樓市炒風熾熱,樓價升得好快,已經幾唔健康,加上通脹強勁,令內地銀監會同人行要不斷出招抽走市場過多資金。一出招,D錢會從股市同樓市流走至其他市場,令股市下跌及樓價下跌,令通脹增長減慢,咁先至健康。所以,內地股市可能好快就會有調整,屆時就可以成為恆指既回調藉口。