新郎在婚宴上要講什麽?

其實都係講 d 多謝的說話啫! 最好唔好跟稿讀, 因為到時驚你太緊張, 緊張到記錯晒 d 台辭咪仲衰.

以過內人經驗話你聽啦! (我同老公當晚都係即場講架咋! 完全冇度過稿呀)

新郎首先梗係要多謝新娘的屋企人(即係佢父母), 多謝佢地生左個咁好的女, 又要多謝佢地比佢個女嫁比你啦! 仲要講以後會對佢個女好好, 好錫佢......等說話

其次要多謝自己的父母啦! (因為冇佢地都唔會有你啦)同埋屋企人啦

跟住就係多謝你地的伴郎伴娘, 兄弟姊妹當日的幫手啦! 同埋曾經係籌備婚禮過程中幫過手的人, eg> 屋企人呀! 朋友呀......等等

然後就係參加你地婚宴的來賓呀! 親朋好友......等等

最後當然唔少得多謝自己老婆啦~因為佢肯嫁比你吖嘛! 如果唔係你都冇機會企係度講咁多多謝的說話啦, right?

^^ 希望幫到你啦

基本上講致謝詞可以係敢,由疏至近即係當MC交個mic比你你就話首先我好多謝咁多位親友(遠度而來---或其他詞句)參加我地(或我同XX)既婚宴(尤其係係外國返黎既XX---如果有)敢係呢度我想多謝一路(支持我或鼓勵我)既XX(講佢點樣支持/鼓舞或幫你),特別/同埋係兄弟姊妹(或幫過你既朋友)為我籌備呢個婚宴佢地都比左好多意見我地,真係好多謝佢地,仲有就梗係要多謝(太太)既爸爸媽媽(可唔可以比D掌聲佢地呀--可不講)比個女嫁比我,我會點點點愛護佢.....(自己諗)同埋我爸爸媽媽(可唔可以比D掌聲佢地呀--可不講)佢地照顧我養育我到我而家卒之都成家立室我真係好多謝爸爸媽媽....(又係自己諗),最後我最多謝我太太XX佢很唔嫌棄我嫁比我我一定會點點點去照顧你唔會比你點點點,時間都唔早啦希望大家(係今晚盡情享用我為你地準備既晚宴--或--盡情享用今晚既晚宴).以上有D可以唔講請自已決定,時間最好少於5分鐘記住講時用平常心就ok嫁啦!!

最緊要多謝佢爸爸媽媽放心交個女俾你，之後再多謝自己爸爸媽媽養到你咁大，供書教學致可以成家立室，再多謝成個婚禮有份幫手既人，再多謝遠到而黎飲既親朋戚友，再加D自己想講既野，就係咁簡單，放鬆D啦，冇Take Two咖！

1. 多謝各位來賓, 酒微菜薄招呼唔到, 大家飲多杯.

2.多謝各位來賓, 兄弟姊妹, 最多謝外父外母比個女嫁比我, 我會好好照顧佢,酒微菜薄招呼唔到, 大家飲多杯.