我d利是封用哂la!!咁我可唔可以用吉儀代替?

絕對冇問題。

吉儀係由主家封的，即係派吉儀既人家中有白事。你要咁 “袖” 屋企人，別人是左唔到你既。

有排都未到新年, 為何要封利是?
不如去買過D新的利是封啦~

吉儀都係一個信封o者,
不如你求其搵個信封用好過啦~
又or 你可以搵D紅色的紙包住就算

好咁你都念到你都好環保用得唔好曬有利是收我就百無禁忌我收o架裹面紅色、啡色、金黃色金牛年年有得收重好呀！

緊係唔得啦,吉儀係死人用

咁系唔可以呢
用途都唔同
你肯用人地都唔肯收啦
咁唔吉利

梗係唔得...
利是係紅事用,
吉儀係白事用!!

可以的, 若然剛巧你家裏有白事!

吉儀係喺舉行葬禮儀式嘅時候，亡者嘅家屬預備畀返嚟參加葬禮親友嘅回禮，因為一般嚟講去得弔唁嘅親友都會送花牌或者畀帛金作為對亡者嘅一點悼念心意，所以家屬方面會有哩個回禮嘅手續。

吉儀係一個白色嘅信封，中間通常都會有一條打直嘅紅色條，上面有藍色嘅「吉儀」兩個字，每封吉儀裏面會放一粒糖、一張紙巾（以前多數會用毛巾仔），同埋一個一蚊嘅銀仔。

吉儀裡面嘅紙巾係畀親戚朋友用嚟抹因為離別嘅傷痛而流嘅眼淚。吉儀封裏頭嘅糖，係希望食咗嘅親友可以減輕掛住死者嘅痛「苦」，有叫人折哀順變嘅意思。吉儀內嘅一蚊銀就用嚟表示謝意，亦有講法話係因為以前一蚊只係足夠搭一程車，攞個「唔會返轉頭」、「冇下次」嘅意思。

習俗上，封吉儀同埋入面嘅嘢係唔可以帶返屋企嘅，如果唔係就會將啲唔吉利同埋衰運帶返屋企咁話。糖可以食咗佢或者舐一啖先掉咗，嗰個一蚊就要快快趣駛咗佢或者捐出去，其他嘢就要全部掉哂佢先至可以返屋企。

唔可以...