屋宇水喉大概要多久便要更換?

屋苑大樓食水喉，廁水來去水喉一般大約可用二十年至廿五年，但都要睇下係邊個發展商，如新地恆隆等公共設施用料比較講究，可以用到20~25年至要大換，但長實和黃華懋之類用料得過且過者，可能十幾年就要重新換過(如麗港嘉湖啱啱先換完)，而且咁大工程一般都要業主立案法團同管理處開會一致通過，要求進行喉管翻新才開始設計投標（動輒幾百萬工程費用一座）。。。。。
至於電線，公共電路就如上述情況要業主立案法團同管理處開會一致通過才做，但室內家居電線插蘇等，大約可用10~15年，或大裝修時都會一併更換.......用四廿幾年....?所以咪咁多火警喔.......

2007-09-30 09:58:23 補充：
如果室內之前裝修時係用鐵喉的, 大約十年左右都開始會有銹跡出現,係時候更換....但如果用銅喉就可用15~20年並且唔會有銹跡........