係唔係姐係喜歡你

112樣你鍾意人的行為


1. 見到佢果陣會心跳加速
2. 口齒突然間變得好唔伶俐
3. 經常發呆
4. 人地無話打俾你，你又響度猛等人地電話
5. 當佢響你視線範圍之內，你會扮睇唔到
6. 當佢離開左你視線範圍之內，你就會勁望佢去左邊
7. 見到佢開心，你自己都會暗地裡開心
8. 出完街之後，好想佢送你返屋企
9. 一班FRIEND食飯果陣時，希望有意無意咁坐響佢隔離
10. SEND SMS俾佢果陣時，會好介意自己GRAMMAR有無錯
11. 當佢唔舒服果陣，你就會勁叫佢睇醫生（但係自己平時病果陣又唔會去睇）
12. 個個都可以睇你張身份證，除左佢之外
13. 好想佢送D野俾你，乜野都好
14. 成日留意佢既言行舉止，睇下佢係咪對你有野
15. 若果見到佢同異性傾計果陣，你會想知佢地會傾D乜
16. 成日發夢都夢見佢
17. 若果發覺大家著左D好襯既衫，你會心裡暗叫「妙﹗」
18. 不斷打聽佢既拍拖歷史
19. 會介意佢去完旅行返黎無送手信俾你
20. 趁佢背住你果陣，即時猛望佢背脊
21. 佢叫你做乜都即刻做，好聽話
22. 偷偷地幫佢執手尾
23. 響手機度禁佢個名或者佢D相出黎睇
24. 同佢既FRIEND變得好FRIEND
25. 成日去佢經常出沒既地方留連
26. SEND SMS之前之後都會不斷返睇自己SEND左乜野俾佢
27. 主動借D書、碟俾佢，製造再見既機會
28. 就算佢響你隔離，你都會成日掛住佢
29. 行街見到佢鍾意既野都會有奇妙既感覺
30. 響街度聞到佢搽果種香水味，會即刻好緊張
31. 就算你有幾唔得閒都會應承佢出去
32. 用133打俾佢，佢一「喂」就即刻收線
33. 無情情想嗌佢個名
34. 唔敢走去佢附近
35. 習慣每晚都會睇佢個BLOG
36. 唔想俾佢知道你有男朋友
37. 成日開MSN或ICQ既HISTORY回味一下
38. 會深入研究佢所有喜歡既野（就算自己一D興趣都無）
39. 好想講自己既野俾佢聽
40. 佢講乜野你都會信
41. 見到佢父母會特別拘謹
42. 講野前會PLAN定一大輪
43. 兩個人獨處時候有DEAD AIR會感到十分尷尬
44. 會記住晒佢鍾意食咩呀、唔鍾意食咩呀，諸如此類
45. 經過佢屋企時候會望上去或者響下面停一停
46. 一起身張開眼就會即時諗起佢
47. 製造無理要求，睇佢有乜野反應"
48. 想知佢鍾意邊一類型既女仔
49. 佢做任何衰野都會幫佢搵藉口
50. 用佢張相做電腦WALLPAPER
51. 不論內容係乜，SAVE晒佢俾你既SMS
52. 做垃圾婆，總之任何關於佢既野都要KEEP
53. 會響紙上面不停寫佢個名
54. 成日自己估人地對你有無野
55. 每次就算有正經事搵佢，都會自己緊張一番
56. 想佢欠你D野（反而佢還左俾你會唔舒服）
57. 覺得佢梳乜野髮型、著乜野衫都係OK既
58. 唔想聽到佢同佢女/男朋友傾電話
59. 佢一講野果陣就豎起耳仔，但係又扮成唔係聽佢講野
60. 好想度下佢高你幾多
61. 同FRIEND講起佢果時，會用花名或暗號
62. 唔敢送太貴重或者太大件既禮物俾佢
63. 因為諗起佢，行行下街都會無啦啦笑左出黎
64. 搵機會同佢合照
65. 會刻意同佢鬥嘴
66. 會留一D問題性既SMS俾佢，等佢一定要覆返你
67. 若果佢讚你靚果陣就會KEEP住呢個LOOK
68. 買D有佢個名既野
69. 同佢MSN果陣，若果佢覆得唔快，就會好失望
70. SEND俾佢既聖誕同新年SMS會同其他人唔同
71. 覺得佢好叻
72. 人地講佢壞話既時候絕對唔會加入
73. 同朋友講起佢既時候會覺得好爽
74. 搵機會度下佢隻手大過你隻手幾多
75. CHECK下自己星座同佢夾唔夾（尤其響網上成日玩配對）
76. 討厭佢所有討厭既人
77. 唔介意望到佢既腳趾
78. 佢生日既時候，唔會買一D人人都知道佢鍾意既禮物俾佢
79. 唔捨得熄電腦，怕佢隨時ONLINE
80. 想見佢，但係見到佢又會覺得好辛苦
81. 同佢講野時候會壓制自己既面部表情（反而搞到個樣唔知想點）
82. 許親願同玩親乜野占卜都係同佢有關既
83. 唔會介紹靚女friend俾佢識
84. 借D意同佢SHARE野飲
85. 同佢搭巴士果陣扮訓著
86. 搣花瓣
87. 乜都幫佢頂
88. 唱K果陣扮晒話無男/女仔陪你唱合唱歌，逼佢同你唱
89. 送野俾佢唔留名
90. 突然間對所有異性失去興趣
91. 人人講緊一D情情塔塔既野果陣都覺得講緊自己
92. 覺得若果同到佢拍拖，一定會好幸福（就算佢同你唔熟）
93. 覺得大家都OK襯既（就算身邊人人反對）
94. 連續打兩個乞嚏就覺得「佢一定係掛住我」
95. 少少野就話自己好唔舒服，睇佢有乜反應
96. 同佢去完街返屋企會勁重溫同佢相處既片段、說話等
97. ENJOY人地誤會你地兩個有野
98. 逼佢同你有單獨相處既機會
99. 響同一場合，佢唔走，你唔走
100. 著得靚果日，好想響街上撞到佢
101. 見到佢ONLINE，等佢同你SAY HI先；若果佢唔應你，你會勁灰
102. 唔小心同佢有肌膚之親，都會即刻有觸電既感覺
103. 每次同佢單獨坐車既時候，感覺都好似去旅行
104. 就算唔係去果度都特登話係，等佢可以順便車埋你
105. 佢借D小野俾你，你都會KEEP起佢唔還
106. 對佢特別小氣
107. 響FRIENDSTER睇晒佢有乜FRIEND
108. 特登俾佢知道你有人追
109. 經常對自己既言行舉止好後悔
110. 希望佢同佢女/男朋友嗌交
111. 人地問你係咪鍾意佢，你會答「痴線﹗」
112. 如果你一路睇/聽呢段野一路諗起一個人既時候…啊~你鍾意左佢﹗

訴苦並唔可以代表啲咩,可能純粹你同你FD啲姐.
我自己都會有個固定既訴苦對象(異性),但我都唔係中意佢
你不如比啲暗示佢啦

唔一定,佢可能當你做一個知心朋友或傾心事對象~好感一定有但未去到情侶個種, 如你地大家住附近可能只係普通遇到,如在街上這是一種緣份~
或者大家再等一吓, 有機會發展都唔定

喜不喜歡很難講，唯一可以肯定就是他當你是他一個重要的人。不是？怎會找你訴苦呢？
中秋那天撞到他，説明你們有緣分（也有可能他故意的）
眾裏尋她千百度，慕然回首，那人卻在，燈火爛珊處。緣分就是那奇怪，你越是要見他，他就不出現。不想見，他又出現，你要把握好每天和他在一起的日子
你喜歡他，就要拿出勇氣和他表白，暗戀只會錯失良機，讓雙方苦了
相信自己，亂意的猜想是不會得到答案的。
早日表白，願祝你成功

咁又唔一定架喎...
佢向你訴苦..只是當你係朋友..你諗得太多了...
雖然你鐘意人地姐...又唔代表要人地一定喜歡你架....
如果個男仔真係鐘意你..就會有行動...
比d時間你自己啦...諗太多對自己冇好處..只會種下情毒....
日日諗佢..諗到佢冇哂心機...咁又有咩謂呢....

朋友之間都有可能同你訴苦．．．只可以話你地友情都好好先．．但係唔係去到佢鐘意你．．就好難講
中秋撞到佢．．更唔可以代表到ｄ咩啦．．平時你都會撞到數萬計既人．．難道又係鐘意你．．
而且你一日中不會撞到同學朋友嫁咩．．？？
要知對方係唔係都鐘意你．．仲有好多方法知道．．
其中一個．．如果一個男仔鐘意個女仔．．而且知道女仔係幾時生日．．都想同佢慶祝．．．呢方面你可以試探下．．

佢系吾系鐘意你就好難講
但系可以肯定佢系到試緊你系吾系鐘意佢

甘佢同你訴苦都應該有d,
但係你地撞到都唔代表d咩個喎!!

but佢向你訴苦,甘都應該有50%鍾意你嘅!
希望你地會幸福啦!!