✔ 最佳答案
其實就禁憑你上述既描述,真係好難答你佢有無愛過你!
真正既愛,係互相包容、互相支持、互相尊重、會肯為你付出一切、無論你有咩事,都會願意陪在你身邊,禁你既佢有無做到呢?既然你話我佢玩你,佢即係唔尊重你,無體會過你既感受吧!
禁你又何必鑽牛角尖,成日問自己佢有無愛過你呢,你應該慶幸自己禁早已經識穿左呢個人而離開佢,等自己不致於被傷害更深。
其實我幾年前,都遇過一個騙子,佢既甜言蜜語同浪漫手段真係氹得我好開心,後來佢對我物質上既要求愈黎愈多,但相反,佢無送過任何野俾我,無請過我食飯,我自己都開始覺得擔子好重!但佢每次都好識用甜言蜜語呃我,令我自己盲目相信佢唔係利用緊我!
之後,佢由澳洲返香港後,無再聯絡我啦!個刻我真係如夢初醒,如彩我同佢既日子唔係太久,所以我都好慶幸佢禁早就放過我,唔係,我就真係慘啦!
後來我都有好似你禁成日諗,佢有無愛過我,佢有無邊句說話係真既,有時仲會掛住佢添,但後尾,當我識左而家呢個老公後,我就真真正正感受到咩叫真愛,真愛唔係單憑甜言蜜語、浪漫手段、靚仔有型就係真愛,真愛係對方會所有野都會預埋你一份,為你設想、會為你付出一切,會擔 心你有無錢洗、有無病痛等等,,,,,
我由心希望你可以重新振作,唔好再為呢個人唔開心啦!!人生才剛剛開始,佢只不過係你生命中的其中一個過客,將來你一定會遇到一個真心鐘意你既人架!加油呀!