✔ 最佳答案
很多時我們用極犬儒與極反政治的方式看待政治人物。
係民主國家，不少從政活動都係低回報的，例如係日本，大家都知道小泉民望很高，但無論點高法，社會大勢都只容許佢做九年（不是法律規定，只是小泉都要接受現實）。真正的野心家，很多都唔願意站在如此鋒芒太露的位置，寧可幕後操作。
中國人有句說話：悶聲發大財。
我唔希望過度美化政府人物，但現實係（只限民主國家），如果政治人物沒有一點主見，沒有一點熱誠，就算俾個位佢上都無用。好像一些美國州長會在離任前得赦死囚，但做出一些社會有大爭議的行為。這些行為不可以經常做，因為爭議好大，否則就好似民進黨咁，佢地所做的一定過到自己與支持者的良心，但問題係台灣社會會經常處於爭議狀態，好累的。台灣正在正義轉型的過程中，係過度性而不是常態。一般政客係唔會經常做一些高度爭議的事，因為這意味自己可能要提早下台。
安倍晉三所做的，其實同貝理雅所做的，都係一樣，因為政客如果連上左位都唔可以推動自己的想法與政見，就係白做。如果只為賺錢，從商只少沒有任期的限期。如果說「關照」，好老實講，好多民主國家都唔會苛待離任總統或首相，這個是國家面子的問題，因為所有的爭議都已經在離任後消失了，做乜還要打落水狗？安倍根本唔需要這些有條件交換的，一次過的「關照」。
我們好容易便可以把承擔國際責任說成帝國主義，好容易提出非暴力抗爭然後逃之夭夭，然後對反對的政客罵過狗血淋頭。這樣反而令我們不能理解別人，或甚至理解成「日本人天生就係軍國主義者」。
2007-10-03 23:17:23 補充：
我本週會抽時間回應你的跟進提問。我無意「扮高深」，只係有些語境需要一些專有詞語才能說明，所以請綡解。
2007-10-07 17:35:24 補充：
犬儒 －－ 做／講左一大堆無意識的行為／言語，好似好有道理。例如成日都講「政治係黑暗的」，根本人就係咁，做乜要特別針對「政治」先？我們要講政治，原因係因為我地唔相信賢能，只係相信「人就係咁」，政界就係乜人都有，等一人間乜人都用。
2007-10-07 17:40:36 補充：
犬儒 －－ 佢地唔係自以為是，而係佢地根本無意參與部分討論（但係其他部分又好介意的）。「政治係黑暗的」，講明白了，就是所有人經過正當政治出身都係有問題，只有神秘到好似上帝咁才是全知全善。這樣的人唔係無，金正日之類就係最好。係佢眼中，「少說話多做事」就係最好，講多一點就罵多一點。
2007-10-07 17:42:05 補充：
我的講法好簡單：安倍一定要有心，有正義感，才會做這些有爭議性的行為。
2007-10-09 00:40:23 補充：
♬♪ T骨♫♭十分抱歉，我是不知道原來你是唔想我回答你「仲有咩係極犬儒??咩意思? 」的問題的，同埋，我以為你係想我回答得再詳細一點。而我也沒有留意，原來你係想我把回答簡化到一句起兩句止，其他重要理據原來都係「廢話」，我亦唔知道原來這個問題有字數上限（我自己的提問有時候也要有字數上限呀）。你的提問一點都不像三歲的提問，包括「還是他別有私心想拉攏一些國家對其型像有好感?令他辭職之後都有[人]會關照! 」。要知道，這個問題一答都應該給予三至四段才算是尊重，而我以為我的回答是尊重你，而不是求其一句「安倍一定要有心，有正義感，才會做這些有爭議性的行為」咁簡化就算。
2007-10-09 00:50:29 補充：
我是從來都唔知道原來你認為「好多想知道知識的人係想第一時間一睇個回答就可以知道答案的,而不是花費幾十分鐘都睇唔明同理解唔到的回答」，很可能是因為我的發問就是要一些不容易在十幾分鐘明白的回答。這一點是我與你之間的誤解。同埋，有部分說話你唔好以為我係鬧你，我只係花一半篇幅講野香港媒體對安倍／政治人物好流行的誤解。
2007-10-09 00:51:29 補充：
我是從來都唔知道原來你認為「好多想知道知識的人係想第一時間一睇個回答就可以知道答案的,而不是花費幾十分鐘都睇唔明同理解唔到的回答」，很可能是因為我的發問就是要一些不容易在十幾分鐘明白的回答。這一點是我與你之間的誤解。請你明白，這是大家期望不同，我唔知你要乜答案，我亦我認為尊重你的方式回答。同埋，有部分說話你唔好以為我係鬧你，我只係花一半篇幅講野香港媒體對安倍／政治人物好流行的誤解。
