點煎魚唔會黐鑊

我想幫手補充一點點，通常煎煮食物黐鑊嘅原因有﹕
1、隻鑊污垢(上次未洗乾淨)。解決方法﹕用鋼絲刷洗乾淨佢。
2、隻白鑊未燒紅就放油，(當然係易潔鑊除外啦) 解決方法﹕通常會燒白鑊燒到出煙，原因係就咁洗隻鑊可能都未夠乾淨，但燒過就咩都靜晒。
3、有鹹味會容易黐底。
4、猛油放魚，即收細火，等條魚外皮定型(香脆、梗身)先再移動條魚。慢火煎嘅時候要有d耐性，唔使怕濃。
另補充一句，反魚時同樣猛火，轉身後又轉細火，到起魚前記得要轉返大火，唔係條魚會食晒d油入魚裡面架！

上述意見都十分好，十分正確，我想加多句，就係要慢火，慢慢煎，所以想吃煎魚要預多D時間，否則心急攪攪佢就好易爛了。

喺條魚度鋪啲粗鹽或者粟粉，當然條魚唔好咁濕就得啦同樣唔好多手攪佢。

煎魚前，抹乾D魚(好重要)， 開火燒紅隻鑊，再放薑查下隻鑊, 跟住落油等油滾オ放魚，放下後千萬別多手搞佢，直到魚熟才反轉，反轉後亦不可搞動，就不會黐住個鑊, 阿媽教的. 經驗類積。

煎魚前, 開火燒時加薑茶鑊, then 再加油>>>油滾>>>再放魚就ok不會黐住個鑊, 我係睇味分高下教的.