更新1:
仲想請問各位高手前輩，上望位有幾多，止賺同止蝕位點睇。
恒鼎（1393）會不會是老千股？高追了怎算？救命！！！10點
2007-09-26 12:23 am
又要向各位前輩求教。因為抽不到恒鼎（1393），見佢個勢好似幾好，諗住12.2追番Ｄ長渣，點知一買就坐艇，而家仲一路跌，跌到心寒，呢隻會不會是老千股？高追了怎算？仲要唔要繼續等？定係壯士斷臂？點算？救命！！！
回答 (2)
2007-09-26 12:54 am
✔ 最佳答案
跌了 8% 駛唔駛嗌救命呀，你都話長，而家上左市都不過是3日，咁快嗌驚，咁點長呀，長是起碼 9 個月以上喎，長期間股價梗有上落，如決定是長的，應以自己可承受的風險，定好止蝕位，一到價便沽，這才是長之道；1393 是資源股，是當炒行業，看神華，中媒升到你唔信，恒鼎上市升了成 8成多，十分驚人，需要時間整固，待那些只有一手的散戶清貨後，才可重拾升軌。
2007-09-27 15:15:41 補充：
駛乜驚，呢兩日震走晒一手客，今日升番成 10%，最高做 $12.36，你話有乜好驚呢？
2007-09-26 1:55 am
樓上，我對恆鼎一直持負面態度，就係因為有比較．神華，中煤兩者都係國企，而且係全國第一同第二大既煤炭產業．恆鼎係民企，規模同前兩者比較簡直差天共地．最關鍵既地方係國企同民企既分別．國企有國務院睇實，離譜極有個限度．民企就唔同；無王管；佢圈左ｄ錢到底攞黎做乜？係咪真係攞黎收購煤礦資產？無從監督，唯有一個信字．
係咪老千股？言之尚早．大部份民企圈錢都係想攪大盤生意，所以老千成份不大．但係你問我有無百份百信心．我會答你無．但係絕對唔好用對待神華同中煤既心態對待呢隻野．要做清兵，留俾人地做．俾ｄ時間觀察下先好考慮下一步點做．抽中既，盡快鎖定利潤．高追既，襯反彈盡快跳船，唔好俾佢鎖死ｄ資金．
係咪老千股？言之尚早．大部份民企圈錢都係想攪大盤生意，所以老千成份不大．但係你問我有無百份百信心．我會答你無．但係絕對唔好用對待神華同中煤既心態對待呢隻野．要做清兵，留俾人地做．俾ｄ時間觀察下先好考慮下一步點做．抽中既，盡快鎖定利潤．高追既，襯反彈盡快跳船，唔好俾佢鎖死ｄ資金．
收錄日期: 2021-04-27 14:06:28
原文連結 [永久失效]:
https://hk.answers.yahoo.com/question/index?qid=20070925000051KK01759