倉鼠習性,肥胖

A.兩隻鼠一齊住出現一肥一瘦既情況,好多時都會因為一隻鼠蝦第隻鼠而做成既

鼠鼠本來就係獨居動物,天性就係獨立生活,係交配時先會走埋一齊一段短既時間

鼠鼠既佔地盆意識好強,所以你一隻鼠訓住食物盆上,可能就係想霸住呢個地方,又或第隻鼠霸住另一度訓既地方,所以肥鼠就揀左呢個位啦,不過多數都係肥左既鼠較強勢,但對人唻講未必會好覺,因為對同類同對人係唔同
反而我覺得弱者可能對人惡d,試想下,日日夜夜被迫同第隻敵人一齊,好易會較敏感,自我保護意識都強d

我明白坊間同鼠店都話倉鼠係群居,但從生物學角度,鼠鼠真係獨居架,只係多數鼠細個都唔打交,所以就易令人有錯覺,又有好多人話鼠打交只係,甚至話係增進感情,好彩就打唔傷,但留意一下過去既知識,就見到有不少鼠打傷打死

我細個時試過一籠放兩兄弟,個籠好大,有2間屋仔,2個瞭望台,好多野都有兩樣,都一樣打到頭都甩,就算係再大既籠,同性唔同性,係咪同一胎,其實都會打既
沖完涼再放埋一齊既方法我都試過好多次,一樣打得好勁呢

B.為左肥既鼠唔會再肥落去,瘦既鼠唔會被蝦,我建議你考慮一下分籠

其實鼠鼠最好分籠,如果兩隻鼠係一男一女,繁殖鼠鼠又會有好多問題,我自己一籠一鼠左好耐,鼠鼠身體都好D,唔會被打,又少受驚,我既鼠多數都係老死OR年老腫瘤而死(當然配合返唔亂食野,同適當地對鼠鼠啦),建議分籠原因如下:
1)倉鼠天生根本就係獨居動物,根本唔適合群居,就算兄弟姊妹,同性別or唔同性別,都一樣可以打到死晒.睇書知道,外國既鼠鼠繁殖場都係一籠放一隻鼠,到發情期先放埋一齊一陣既
2)鼠鼠既繁殖速度好快,而且繁殖鼠鼠有好多問題(例如鼠媽媽有機會會食bb,bb未戒奶就打交但又唔分開得),就算樣樣都解決到,都會令鼠鼠既生活質素下降,鼠媽媽生育後壽命又會縮短(甚至難產),好多隻鼠又會有第d問題,所以真係唔好俾鼠鼠生bb呢
3)可能你會話鼠店既鼠咁多隻一齊都冇事,但鼠店既鼠仲好細,所以唔會打得好犀利,而且你睇到鼠店既鼠既時間都未到深夜,唔係鼠鼠最活躍既時候,所以未必俾你見到有咩問題.但我曾經見過,鼠店一堆鼠入面,有隻鼠已經得返d白骨...所以鼠店講既野,,唔好盡信,鼠店有鼠死左都唔會俾客人知呢
4) 就算兩隻鼠初初唔打交,其實之後都好易再打,特別係鼠鼠夜晚活動既多,半夜打起上唻,你又唔知既時候,仲危險.我細個既時候都試過覺得2隻鼠好似好fd咁放埋一齊,同一胎,我出去一陣返唻就打死晒啦
5)可能會諗鼠鼠會怕悶,但其實鼠鼠天生獨來獨往,只要有足夠既空間同運動(一個轉輪都ok啦),鼠鼠就唔會悶

C.同時唔好俾主糧以外既食物俾鼠鼠食,其實只係俾混合主糧已經好足夠,而家既鼠糧都係經研究而整成,好有營養既,而主糧係指一包有好多種唔同野食既糧.我 近年既鼠就只係食主糧,我個人經驗係愈少雜食,鼠鼠身體愈健康,亦冇肥胖既情況,肥胖好易會誘發疾病,所以都不容忽視

都要留意返轉輪係咪安全,如果轉輪危險,鼠鼠都會唔願去玩
轉輪要用冇隙,唔係就好易卡住鼠鼠既腳,地板及樓梯都要係咁樣

D.而俾食物俾鼠鼠,其實唔洗一日俾一次,我覺得最好一次俾較多,因為鼠鼠天生喜歡收埋食物,多d食物會令鼠鼠有安全感,只要你見佢食晒先再添加,就可以避免鼠鼠揀野唻食
特別如果你決定唔分籠,咁餵既話問題更大,因為好易俾肥既鼠收埋d野食,一來佢大隻,二來佢咁近食物,咁第隻鼠好易會唔夠野食,長久落去都會好唔健康

because it is fat
~倉鼠疾病~

圖片參考：http://www.islam.org.hk/milly/images/cry.bmp
牙齒過長：
由於倉鼠的門牙會不斷生長，磨牙是必需的。
牙齒過長的症狀是吃不到東西，亂咬東西，體重不斷下跌。
若果是由於籠子沒有磨牙石而引致的，便要立刻給鼠鼠磨牙石。

圖片參考：http://www.islam.org.hk/milly/images/oh.bmp
生瘡：
生瘡也是其中一種常見的疾病。
瘡也有分良性和惡性，所以也是一種危險的疾病。
若果你的鼠鼠突然行動不便(可能在關節位的了瘡)，
或身體有地方漲起(硬的)，就要立刻帶鼠去看獸醫了！

圖片參考：http://www.islam.org.hk/milly/images/cry.bmp
肚瀉：
原因通常是吃得太多零食，這種病十分普遍。
很多的倉鼠主人也試過鼠鼠肚瀉的情況。倉鼠正常的大便是硬的粒狀的，
但肚瀉時的大便是軟的流質的。
如果鼠鼠出現肚瀉的症狀，就要先停止餵零食和水果。
若果鼠鼠的情況不太嚴重，可以到鼠店買些止痾水，把三滴的止痾水加入鼠鼠所喝的水中，
大約一至二天便會康復。若果情況沒有改善就要帶鼠鼠去看醫生！

圖片參考：http://www.islam.org.hk/milly/images/oh.bmp
皮膚病：
症狀是突然有一個部份沒有了毛。市面上也有醫皮膚病的藥出售，
但我自己就未買過！
若果只是輕微的皮膚病，例如鼻、身體有少許脫毛跡象，
可以用藥性沖涼粉連續沖七日，
如發現脫毛範圍擴大，沒有好轉，就要立刻帶鼠去看獸醫了！

倉鼠係夜晚先出來活動架．．．日頭通常都係訓教既．．