✔ 最佳答案
你部冷氣机應該用咗好耐冇清洗過, 塵埃汚垢會堵塞接水盤的去水位, 或條去水喉太長或太多曲位, 此等都會阻碍排水功能, 因冷氣机流出來的水是沒有壓力的, 所以積聚在喉管內的穢物很難被排走, 如想 DIY , 你先拆咗個面罩, 用电筒查看去水喉的接駁位置, 再揾出接水盤的去水窿, 查看有冇異物阻塞, 如有可先用鉄線扭實一小塊棉布, 通一通個窿又或者可以買 2 呎 2分透明膠喉篤入去水窿入面用口大力吹幾次, 如發覺穢物被吹走可用水樽裝水慢慢倒入接水盤, 清走殘餘汚垢. 再唔得就要叫師傅幫你,如果部机太汚穢可以洗埋机兼通去水, 唔係你唔得, 因為你唔夠「架生」, DIY 時至緊要關机拔開插頭, 安全至上, 免生意外為要. 祝你成功!希望幫到你.
部机太多塵埃異物積聚在机面, 做成空氣流通不暢, 風量慢兼會結霜, 影响冷氣机正常運作
嘥电夾唔凍重會漏水, 任何物件都要有適當的保養才會經久耐用。 資深冷氣師傅提供
2007-09-29 23:22:25 補充:
你話啲水係條喉流出嚟, 可以 check 吓條去水喉有冇脫离或接駁不當或穿咗, 對症下藥, 可以嗎?